Jenesis 36 - Buka Blahi Ka Cheke Holo

Vikegna mae Iso

¹ Igne thoutonu eigna vikegna mae Iso, mae ihei te kilo nila Idom.

² Mae Iso neke tolaghi ka phei gaꞌasedi Kenan. Ulu lahu na, Ada thugna mae Elon ka vikegna mae Hit. Fapea na, Oholibama, thugna mae Ana gragna mae Sibeon, jaola vikegna mae Hivi.

³ Eghuteuna fatilo na Basemat, greghagna mae Nabaiot, thugna mae Ismael.

⁴ Aonu karha ghu mae Elifas ka Ada, eghuteuna mae Ruel ka Basemat,

⁵ eghuteuna karha ghu mae Jeus nei mae Jalam nei mae Kora eghu ka Oholibama. Igre thugna mae Iso teke karha ka kantri Kenan.

⁶ Aonu mae Iso ne hata thilo khetognare, thugna nalhaꞌure, thugna gaꞌasere, naikno teke au balugna re, nogna sipure, nogna bulukare nei nogna gobigna lepo teure ne tei au fadelei ka mae Jekop.

⁷ Mae Iso theome tangomana te au balugna mae Jekop na ne jifla ne tei au fadelei. Naugna vido glose igne ne theome naba fei buburu te mala ghamudi nodi sipu nei buluka teu phia mare re.

⁸ Aonu mae Iso tei ne au soru ka thogele ro ka kantri Idom. Namono igne tifa na mare kiloni Seia.

⁹ Igne u thoutonu eigna mae Iso na. Mana teke kmadi mae Idom gre neke au ka thogele Seia.

¹⁰ Igre nanghadi teke thugna nalhaꞌu mae Iso re, mae Elifas neke karha ka Ada, eghuteuna mae Reul neke karha ka Basemat.

¹¹ Mae Elifas neke glima thugna nalhaꞌu, mae Teman nei mae Oma nei mae Sefo nei mae Gatam nei mae Kenas.

¹² Mae Elifas neke au kaisei thugna nalhaꞌu ka Timna, nanghagna mae Amalek. Timna gne kaisei gaꞌase gloku, nei fapea khetogna la eghu mae Elifas. Eghume, thugna nalhaꞌu Elifas igre neke gragna ngala Ada, khetogna mae Iso.

¹³ Teke thugna mae Ruel re neke mae Nahat, nei mae Sera, nei mae Sama, nei mae Misa. Mae igre neke gragna ngala Basemat, fatilo khetogna mae Iso.

¹⁴ Mae Jeus, nei mae Jalam, nei mae Kora teu igre neke karha ka Oholibama, khetogna mae Iso. Oholibama gne neke thugna ngala mae Ana nei neke gragna ngala mae Sibeon neku.

^15-16 Mae igre neke kegra funei ka namono Idom, mae Teman, nei mae Oma, nei mae Sefo, nei mae Kenas, nei mae Kora, nei mae Gatam, nei mae Amalek. Hatimare mae igre neke karha ngala ka mae Elifas, thugna ulu lahu mae Iso. Eghuteuna neke gragna ngala Ada neku.

¹⁷ Teke thugna mae Ruel igre neke jaola neke kegra funei ka namono Idom, mae Nahat, nei mae Sera, nei mae Sama, nei mae Misa. Mae igre neke karha ngala ka Iso ghe Basemat.

¹⁸ Mae funei igre neke karha ngala ka Oholibama, mae Jeus, nei mae Jalam, nei mae Kora. Oholibama gne neke thugna ngala mae Ana.

¹⁹ Mae te kegra funei igre neke thugna ngala mae Iso, mae te kilo nila Idom.

Igre nanghadi teke thugna mae Seiri re

²⁰ Mae Seiri gne neke kaisei mae ka vikegna mae Hor ka namono Idom. Nanghadi teke thugna mana re neke mae Lotan, nei mae Sabol, nei mae Sibeon, nei mae Ana,

²¹ nei mae Dison, nei mae Eser, nei mae Disan. Mae igre neke kegra funei ka namono Idom.

²² Mae Lotan gne neke ku'edi teke vikedi mae Hori ghe mae Heman gre, eghuteuna gregadi na Timna.

²³ Nanghadi teke thugna mae Sobal re neke mae Alvan, nei mae Manahat, nei mae Ebal, nei mae Sefo, nei mae Onam.

²⁴ Nanghadi teke phei thugna nalhaꞌu mae Sibeon re neke mae Aia ghe mae Ana. Mae Ana gne ngala teke filo deni glokha khoꞌu te brana na kani teke reireghidi teku mana nogna dongki mae kmagna ra.

²⁵ Mae Dison thugna nalhaꞌu mae Ana, eghuteuna Oholibama teke thugna gaꞌase mana na.

²⁶ Nanghadi teke thugna mae Dison re neke mae Hemdan, nei mae Esban, nei mae Itran, nei mae Keran.

²⁷ Nanghadi teke thugna mae Eser re neke mae Bilhan, nei mae Savan, nei mae Akan.

²⁸ Nanghadi teke phei thugna nalhaꞌu mae Disan re neke mae Us ghe mae Aran.

^29-30 Nanghadi mae teke kegra funei ka vikegna mae Hor ka namono Idom na neke mae Lotan, nei mae Sobal, nei mae Sibeon, nei mae Ana, nei mae Dison, nei mae Eser, nei mae Disan.

Nanghadi hatimare mae king ka namono Idom

³¹ Ame au nga kaisei nodi mae king mae Israel gre teku na, mae igre neke king neke funei fruni ni namono Idom.

³² Mae ihei teke king ulu lahu na neke mae Bela, thugna mae Beo. Mana neke king neke au Dinhaba.

³³ Eghuteuna kate lehe mae Bela na, mae Jobab, thugna mae Sera maegna ka namono Bosra, mana teke king na.

³⁴ Eghuteuna ke leghugna te lehe mae Jobab na, mae Husam maegna ka nohi Teman teke king na.

³⁵ Eghuteuna kate lehe mae Husam na, mae Hadad thugna mae Bedad mana teke mae king na. Mae Hadad tei ne magra ne falehedi hatimare maedi Midian ka kantri Moab. Mana ne king ka namono Avit.

³⁶ Kate lehe mae Hadad na, mae Samla maegna ka namono Masreka mana teke king na.

³⁷ Kate lehe mae Samla na, mae Saul maegna ka namono Rehobot rhegna Khoꞌu biꞌo Iufretis teke king na.

³⁸ Eghuteuna kate lehe mae Saul na, mae Balhanan thugna mae Akbo teke king na.

³⁹ Eghuteuna kate lehe mae Balhanan na, mae Hadad teke king na. Mana neke king ka namono Pau. Khetogna mana na Mehetabel, thugna Matred. Matred na neke thugna gaꞌase ngala Mesahab.

^40-43 Nanghadi naikno teke baubatu ka vikegna mae Iso re neke igre, mae Timna, nei mae Alva, nei mae Jetet, nei Oholibama, nei mae Ela, nei mae Pinon, nei mae Kenas, nei mae Teman, nei mae Mipsa, nei mae Makdiel, nei mae Iram. Leuleghu fara na nanghadi namono te au mare tadire, mare fanangha koba ka nanghadi mae ku'edire.