Jenesis 10 - Buka Blahi Ka Cheke Holo

Igre nanghadi vike teke karha ka thilo thugna mae Noa re

¹ Igne thoutonudi vike teke karha ka thilo thugna mae Noa re, mae Sem, mae Ham nei mae Jafet. Vike igre neke karha mei ka thilo mae thabusigna igre ke leghugna nabritha biꞌo na.

² Thugna mae Jafet re neke mae Goma, mae Magog, mae Madae, mae Javan, mae Tubal, mae Mesek, nei mae Tiras.

³ Thugna mae Goma re neke mae Askenas, mae Rifat nei mae Togama.

⁴ Thugna mae Java re neke mae Elisa, mae Tarsis, nei naikno te au ka moumolu Saeprus nei moumolu Rodes.

⁵ Naikno te au ka moumolu te iko tongana ka nhorora na igre vike neke karha mei ka thugna mae Jafet. Soasopai gna tharakna igre ne vuragha ne thovu ne gnokro soru ka nodi soasopaigna vido glose nei au nodi soasopaigna cheke.

⁶ Thugna mae Ham re neke mae Kus, mae Ijep, mae Libia nei mae Kenan.

⁷ Eghuteuna nanghadi thugna mae Kus re neke mae Seba, mae Havila, mae Sapta, mae Rama nei mae Sapteka. Mae Rama ne au phei thugna, mae Seba ghe mae Detan.

⁸ Aonu mae Kus neke au kaisei mae thugna, nanghagna na Nimrod. Mae Nimrod gne kaisei mae nheta fara ka nauthoglu igne.

⁹ Mana kaisei mae lase hili bosu fara ke ulugna Lord. Naugna igne naiknore cheke eghu eigna kaisei mae, “Mae igne jateula mae Nimrod eghu lase hili bosu fara ke ulugna Lord.”

¹⁰ Fati namono biꞌo te funei frunidi mana re, Babel, Erek, Akat nei Kalneh. Fati namono biꞌo igre au jare Babilonia.

^11-12 Funu jare Babilonia mana ne jifla ne tei Asiria. Aonu mana ne hohoro haghedi namono biꞌo igre, Ninive, Rehobot Ir, Kala nei Resen. Resen gne au fari hotei Ninive nei Kala. Kala gne kaisei namono biꞌo fara.

^13-14 Ijep gne kuꞌedi naikno te au Lidia, Anam, Lehab, Naftu, Patrus, Kaslu nei Krit. Naiknodi Filistia gre neke mei funudi Krit.

^15-18 Mae Kenan neke au phei mae thugna nalhaꞌu, mae Saidon ghe mae Het. Mana jaola neke kuꞌedi mae Jebus, mae Amora, mae Gagas, mae Hivi, mae Arka, mae Sini, mae Arvat, mae Semar, nei mae Hamat. Vikegna mae Kenan gre ne fnota ne sopagna tei tafri.

¹⁹ Namonodi naikno te au Kenan gre e funu Saedon tei posa Gerara nei Gasa. Eghuteuna tei posa Sodom, Gomora, Adma nei Seboim ghilei tei posa Lasa.

²⁰ Naikno te gnafa igre neke gragna mae Ham.

²¹ Mae Sem gne neke mae ke biꞌogna mae Jafet. Mae Sem neke au thugna, eghuteuna mana jaola neke kuꞌedi thugna mae Eber re.

²² Igre nanghadi teke thugna mae Sem re, mae Elam, mae Asura, mae Apaksad, mae Lud nei mae Aram.

²³ Nanghadi teke thugna mae Aram re neke, mae Us, mae Hul, mae Geta nei mae Mas.

²⁴ Mae Apaksad na neke kmagna mae Sela, mae Sela gne neke kmagna mae Eber.

²⁵ Mae Eber gne neke au phei mae thugna. Kaisei na nanghagna na mae Pelek, gaoghathogna cheke “Pelek” teu igne “fnota” eghu ka cheke Hibru na. Naugna kani karha nga teku mana na naiknogna nauthoglu gne neke fnota ka kmana vike ikodi. Eghuteuna nanghagna mae tahigna mana na mae Joktan.

²⁶ Mae Joktan gne neke kmadi mae Almodad, mae Selep, mae Hasamavet, mae Jera,

²⁷ mae Hadoram, mae Usal, mae Dikla,

²⁸ mae Oba, mae Abimael, mae Seba,

²⁹ mae Ofa, mae Havila nei mae Joba.

³⁰ Namonodire neke au fari hotei Mesa ke mosu nei Sefa ka thogele ke maghati.

³¹ Naikno igre neke jifla mei ka tharaknagna mae Sem. Vike igre ne gnokro soru ka nodi soasopaigna vido glose nei au nodi soasopai cheke.

³² Igne thura gaga teke jifla mei ka hatimare goro thugna mae Noa re. Naikno te iko tongana ke lamnagna nauthoglu na igre neke funudi ka vike igre, ke leghugna nabritha biꞌo ia.