Whakatauki 16 - Paipera Tapu 2012

¹ Ko ngā whakatakataka a te ngākau nā te tangata; engari, ko te kupu whakahoki a te arero nā Ihowā.

² Ko ngā ara katoa o te tangata he mā ki ōna ake kanohi; ko Ihowā ia ki te pāuna i ngā wairua.

³ Utaina āu mahi ki runga ki a Ihowā, ā, ka whakapūmautia ōu whakaaro.

⁴ He mea hanga nā Ihowā ngā mea katoa mō tōna tutukitanga, mō tōna; āe rā, ko te tangata kino hoki mō te rā o te kino.

⁵ He mea whakarihariha nā Ihowā te hunga ngākau whakakake katoa; ahakoa pupuri te ringa ki te ringa, e kore ia e kore te whiua.

⁶ Ko te mahi tohu tangata me te pono hei pure mō te kino; mā te wehi hoki ki a Ihowā ka mawehe atu ai te tangata i te kino.

⁷ Ki te pai a Ihowā ki ngā ara o te tangata, ka meinga e ia ōna hoariri nei anō kia mau te rongo ki a ia.

⁸ He pai ake te mea iti i runga i te tika, i ngā hua maha ki te kāhore he tika.

⁹ Ko te ngākau o te tangata hei whakaaro i tōna ara; ko Ihowā ia hei whakatika i tōna hīkoi.

¹⁰ He kupu atua kei ngā ngutu o te kīngi; e kore tōna māngai e poka kē ina whakawā.

¹¹ Ko te taimaha tika, ko te pāuna tika, nā Ihowā; he mahi nāna ngā kōhatu katoa o te pūtea.

¹² He mea whakarihariha ki ngā kīngi te mahi i te kino; nā te tika hoki i ū ai te torōna.

¹³ He mea āhuareka ki ngā kīngi ngā ngutu tika; e aroha ana hoki rātou ki te tangata e kōrero tika ana.

¹⁴ Ko te riri o te kīngi ānō he karere mō te mate; engari ka whakamārietia e te tangata whakaaro nui.

¹⁵ He ora kei te mārama o te mata o te kīngi; ā, ko tana manako he rite ki te kapua o tō muri ua.

¹⁶ Ko te whiwhi ki te whakaaro nui, ānō te pai! Pai atu i te whiwhi ki te kōura; ko te whiwhi hoki ki te mātauranga te mea e hiahiatia nuitia atu i te hiriwa.

¹⁷ Ko te huanui o te hunga tika he mawehe atu i te kino, ko te tangata e whai whakaaro ana ki tōna ara, ka mau tōna wairua.

¹⁸ Haere ai te whakakake i mua o te whakangaromanga, te wairua whakapehapeha i mua i te hinganga.

¹⁹ Ko te ngākau whakaiti i waenga i te hunga rawakore, pai atu i te uru ki te tūwhanga taonga a te hunga whakakake.

²⁰ Ko te tangata e tahuri ana ki te kupu, ka kite i te pai; ā, ko te tangata e whakawhirinaki ana ki a Ihowā, ka hari.

²¹ Ka kīia te whakaaro nui he mātau; mā te reka hoki o ngā ngutu ka neke ai te mōhio.

²² Ko te mātauranga te puna o te ora mō te tangata i whiwhi ki tērā; ko te ako ia mō te hunga wairangi ko tō rātou wairangi anō.

²³ Mā te ngākau o te tangata whakaaro nui e tohutohu tōna māngai, e āpiti hoki he kupu mōhio ki ōna ngutu.

²⁴ Ko ngā kupu matareka ānō kei te honikoma, he reka ki te wairua, he rongoā ki ngā wheua.

²⁵ Tērā he ara e tika ana ki te titiro a te tangata; ko tōna mutunga ia ko ngā ara ki te mate.

²⁶ Ko te hiahia o te tangata e mahi ana, e mahi ana mōna; nō te mea e akiakina ana ia e tōna māngai.

²⁷ E whakatakoto ana te tangata tikangakore i te kino, ā, kei ōna ngutu ānō he ahi e kā ana.

²⁸ Ko tā te tangata whanokē he tītaritari i te raruraru; ko tā te tangata kawekawe kōrero he wehewehe i ngā hoa tupu.

²⁹ Whakawai ai te tangata nanakia i tōna hoa, kawe ai i a ia ki te huarahi kāhore i pai.

³⁰ Ko te tangata e whakamoe ana i ōna kanohi, e mea ana kia whakaaroa ai e ia ngā mea whanokē; ko te tangata e kokopi ana i ōna ngutu e whakatutuki ana i te kino.

³¹ He karauna korōria te māhunga hina, e ka kitea i runga i te ara o te tika.

³² Engari rawa te tangata manawanui i te tangata kaha, te tangata e pēhia ana e ia tōna wairua i te tangata i horo ai te pā.

³³ E makā ana te rota ki roto ki te kokorutanga o te kākahu; kei a Ihowā ia te tikanga katoa.