Waiata 74 - Paipera Tapu 2012

He Īnoi mō te Whakaoranga ā-Iwi

He Makiri nā Āhapa.

¹ E te Atua, he aha i pangā ai mātou e koe ake ake? He aha i pongere ai tōu riri ki ngā hipi o tāu māra?

² Mahara ki tāu whakaminenga i hokona e koe i mua, i utua e koe hei iwi mō tōu kāinga tupu; ā, ki tēnei Maunga Hiona i nohoia nei e koe.

³ Hiki ake ōu waewae ki ngā whakangaromanga e mau tonu nei, ki ngā mahi kino katoa a te hoariri ki te wāhi tapu.

⁴ Kua hāmama nei ōu hoariri i waenganui i āu whakaminenga; kua whakatūria e rātou ā rātou kara hei tohu.

⁵ E rite ana rātou ki ngā tāngata e hāpai ana i te tītaha ki te puia rākau.

⁶ Ināianei ia e tukitukia ana e rātou ōna mea whakairo, pākaruhia iho ana ki te tītaha, ki te hama.

⁷ Kua toua tōu wāhi tapu ki te kāpura, kua noa i a rātou te nohoanga o tōu ingoa, kei te whenua e takoto ana.

⁸ I mea tō rātou ngākau, “Me whakangaro rātou ā poto ake.” Kua tahuna e rātou ngā whare huihui katoa o te Atua i te whenua.

⁹ Kāhore mātou e kite i ō mātou tohu, kāhore atu he poropiti, kāhore hoki tētahi o mātou e mātau ana kia pēhea ake te roa.

¹⁰ E te Atua, kia pēhea ake te roa o te tāwai a te hoariri? Ka kohukohu tonu rānei te hoariri ki tōu ingoa ake ake?

¹¹ He aha i pēpeke ai tōu ringa, tōu matau? Unuhia i roto i tōu uma, whakamōtītia rātou.

¹² Ko te Atua ia tōku Kīngi o tua iho, e mahi whakaora ana i waenganui i te whenua.

¹³ Nāu, nā tōu kaha i wawae te moana; pakaru ana i a koe ngā mātenga o ngā tarakona i ngā wai.

¹⁴ Mongamonga noa i a koe ngā mātenga o rewiatana; ā, hoatu ana ia e koe hei kai mā te iwi o te koraha.

¹⁵ I wāhia e koe te puna me te roma; mimiti ake i a koe ngā awa nunui.

¹⁶ Nāu te ao, nāu hoki te pō; nāu i whakarite te marama me te rā.

¹⁷ Nāu i whakatū ngā rohe katoa o te whenua; te raumati me te hōtoke, he mea whakarite ēnā nāu.

¹⁸ Kia mahara ki tēnei, kua tāwai te hoariri, e Ihowā; kua kohukohu te hunga pōauau ki tōu ingoa.

¹⁹ Kaua e tukua te wairua o tāu kūkupa ki te kīrehe; kei wareware ake ake ki te whakaminenga o āu rawakore.

²⁰ Whakaaroa te kawenata; kua kikī hoki ngā wāhi pōuri o te whenua i ngā nohoanga nanakia.

²¹ Kei hoki whakamā mai te tangata e tūkinotia ana; kia whakamoemititia tōu ingoa e te ware, e te rawakore.

²² E ara, e te Atua, tohea tāu tohe; mahara ki tā te tangata pōauau tāwai ki a koe ā pau noa te rā.

²³ Kei wareware ki te reo o ōu hoariri; e kake tonu ana te ngangau a te hunga e whakatika ana ki a koe.