Waiata 3 - Paipera Tapu 2012

Te Whakawhirinaki ki Ihowā i te Wā Kōarotanga

He hīmene nā Rāwiri, i tōna omanga atu i tāna tama i a Apohārama.

¹ E Ihowā, anō te tini o ōku hoariri, he tokomaha te hunga e whakatika mai ana ki ahau.

² He tokomaha te mea ana ki tōku wairua, “Hore rawa he whakaoranga mōna i te Atua.” Hera

³ Ko koe ia, e Ihowā, hei whakangungu rākau mōku, hei korōria mōku, hei kaiwhakaara i tōku mātenga.

⁴ I karanga, tōku reo ki a Ihowā; ā, whakahoki kupu mai ana ia ki ahau i tōna maunga tapu. Hera

⁵ I takoto ahau, i moe; i ara ake anō; nā Ihowā hoki ahau i whakamau ake.

⁶ E kore ahau e mataku i ngā mano tini o te iwi, kua whakatika mai nei ki ahau karapoti noa.

⁷ Whakatika, e Ihowā; whakaorangia ahau, e tōku Atua! Nāu hoki i patu te kauae o ōku hoariri katoa; mangungu noa i a koe ngā niho o te hunga kino.

⁸ Nā Ihowā te whakaoranga. Kei runga i tāu iwi tāu manaaki. Hera