Ihāia 20 - Paipera Tapu 2012

Te Tohu o te Poropiti Tahanga

¹ I te tau i haere mai ai a Taratana ki Aharoro, i a ia i ungā rā e Harakono kīngi o Ahiria, i tāna whawhaitanga ki Aharoro, ā, horo ana a reira i a ia –

² i taua wā ka kōrero a Ihowā, arā a Ihāia tama a Āmoho, ka kī, “Wetekina atu te kākahu taratara i tōu hope, whakarērea atu anō tōu hū i tōu waewae.” Nā, pērā ana ia, haere tahanga ana, kāhore hoki he hū.

³ Nā, ka mea a Ihowā, “Ka rite ki tāku pononga, ki a Ihāia, ka toru nei ōna tau e haere tahanga ana, kāhore hoki he hū, hei tohu, hei mea whakamīharo ki a Īhipa rāua ko Etiopia,

⁴ ka pēnā anō tā te kīngi o Ahiria ārahi i ngā Īhipiana hei pārau, i ngā Etiopiana hei whakarau, i te taitamariki, i te kaumātua, kāhore he kākahu, kāhore he hū, takoto kau ana ngā papa, whakamā iho a Īhipa.

⁵ Ka pororaru anō rātou, ka whakamā ki a Etiopia, ki tā rātou i tūmanako ai, ki a Īhipa anō, ki tō rātou korōria.

⁶ Ā, e mea te tangata o taua takutai i taua rā, ‘Nanā, ko tā tātou tēnei i tūmanako ai, ko tā tātou i rere atu ai kia ora ai i te kīngi o Ahiria, ā, me pēhea tātou ka mawhiti ai?’ ”