Hōhea 13 - Paipera Tapu 2012

He Whakawātanga Papahueke ki a Īharaira

¹ I te kōrerotanga a Ēparaima, tērā te tūiri; i whakanui ake ia i a ia i roto i a Īharaira. Engari, kei tōna hēnga i roto i a Paara, ka mate ia.

² Nā ināianei, kua neke ake tō rātou hara, kua hangā e rātou tā rātou hiriwa hei whakapakoko whakarewa mā rātou, hei whakapakoko e rite ana ki tā rātou i mātau ai, ā, ko taua mea katoa he mahi nā ngā kaimahi: e kōrerotia ana aua mea e rātou, “Me kihi e ngā tāngata e mea patunga tapu ana, ngā kūao kau.”

³ Mō reira ka rite rātou ki te kapua o te ata, ki te tōmairangi hoki e ngaro wawe atu nei, ki te pāpapa hoki e āia atu ana e te paroro i te patunga wīti, ā, ki te paowa hoki o te tumere.

⁴ “Ko Ihowā anō ia ahau, ko tōu Atua, o te whenua mai rā anō o Īhipa; kaua anō koe e mōhio ki tētahi atua, ko ahau anake, kāhore atu hoki he kaiwhakaora, ko ahau anake.

⁵ I mōhiotia tonutia koe e ahau i te koraha, i te whenua kāhore rawa nei he wai.

⁶ Ko tō rātou mākonatanga rite tonu ki te wāhi i kai ai rātou; i mākona rātou, ā, whakakake ana ō rātou ngākau; nā, wareware tonu iho ki ahau.

⁷ Nā, ko tāku ki a rātou, ka rite ki te raiona; ka tiaki ahau i te ara ānō he reparo.

⁸ Ko tōku tūtakitanga ki a rātou ka rite ki tō te pea kua tangohia nei āna kūao, ka haea hoki e ahau te taupā o ō rātou ngākau; ā, hei reira ka kainga rātou e ahau ki te kai a te raiona; ka haehaea rātou e te kīrehe o te pārae.

⁹ “Ko tōu whakangaromanga ia, e Īharaira, he hoariri koe ki ahau, ki tōu kaiāwhina.

¹⁰ Kei hea ināianei tōu kīngi, hei whakaora i a koe i roto i ōu pā katoa, ōu kaiwhakawā hoki, ērā i kī rā koe, ‘Hōmai he kīngi me ētahi rangatira ki ahau’?

¹¹ Kua hoatu e ahau he kīngi ki a koe i ahau e riri ana, ā, kua tangohia atu ia e ahau i ahau e āritarita ana.

¹² “Ko te hē o Ēparaima, takai rawa; ko tōna hara, rongoā rawa.

¹³ Ka pā ki a ia ngā mamae o te wahine e whakamamae ana; he tamaiti whakaarokore ia. He wā hoki tēnei kia kaua ia e whakaroa ki te wāhi e pakaru mai ai ngā tamariki.

¹⁴ “Ka hokona rātou e ahau ki te kaha o te rēinga, ka utua e ahau kei mate. E te mate, kei hea ōu mate urutā? E te urupā, kei hea tāu whakangaro? Ka hunā atu te rīpenetā i ōku kanohi.

¹⁵ “Ahakoa whai hua ia i roto i ōna tēina, ka puta mai te hau, he marangai, ko te manawa o Ihowā e pā mai ana i te koraha, ā, ka maroke tōna mātāpuna, ka mimiti tōna manawa-whenua. Ka pāhuatia e ia ngā taonga o ngā oko katoa e matenuitia ana.

¹⁶ Ka whakawahā e Hamaria tōna hara; kua whakakeke hoki ia ki tōna Atua. Ka hinga rātou i te hoari; ka tāia iho ā rātou tamariki, mongamonga ana, ka haehaea hoki ā rātou wāhine e hapū ana.”