Etera 2 - Paipera Tapu 2012

Te Rarangi o ērā i Hoki mai i te Manene

¹ Nā, ko ngā tama ēnei o te kāwanatanga i maunu atu nei i roto i ngā whakarau, i te hunga i whakahekea, i ērā i whakahekea e Nepukaneha kīngi o Papurōna ki Papurōna, ā, i hoki nei ki Hiruhārama, ki Hūrā, ki tōna pā, ki tōna pā.

² I haere tahi nei me Herupapera; ko Hehua, ko Nehemia, ko Heraia ko Rēraia, ko Mororekai, ko Pirihana, ko Mitipara, ko Pikiwai, ko Rehumu, ko Paana. Ko te tokomaha o ngā tāngata o te iwi o Īharaira:

³ Ko ngā tama a Paroho, e rua mano kotahi rau e whitu tekau mā rua.

⁴ Ko ngā tama a Hepatia, e toru rau e whitu tekau mā rua.

⁵ Ko ngā tama a Araha, e whitu rau e whitu tekau mā rima.

⁶ Ko ngā tama a Pahata Moapa, nō ngā tama a Hehua, a Ioapa, e rua mano e waru rau kotahi tekau mā rua.

⁷ Ko ngā tama a Erama, kotahi mano e rua rau e rima tekau mā whā.

⁸ Ko ngā tama a Tatu, e iwa rau e whā tekau mā rima.

⁹ Ko ngā tama a Takai, e whitu rau e ono tekau.

¹⁰ Ko ngā tama a Pani, e ono rau e whā tekau mā rua.

¹¹ Ko ngā tama a Pepai, e ono rau e rua tekau mā toru.

¹² Ko ngā tama a Atakara, kotahi mano e rua rau e rua tekau mā rua.

¹³ Ko ngā tama a Aronikama, e ono rau e ono tekau mā ono.

¹⁴ Ko ngā tama a Pikiwai, e rua mano e rima tekau mā ono.

¹⁵ Ko ngā tama a Ārini, e whā rau e rima tekau mā whā.

¹⁶ Ko ngā tama a Atere, a Hetekia, e iwa tekau mā waru.

¹⁷ Ko ngā tama a Pētai, e toru rau e rua tekau mā toru.

¹⁸ Ko ngā tama a Ioraha, kotahi rau kotahi tekau mā rua.

¹⁹ Ko ngā tama a Hahumu, e rua rau e rua tekau mā toru.

²⁰ Ko ngā tama a Kipara, e iwa tekau mā rima.

²¹ Ko ngā tama a Pēterehema, kotahi rau e rua tekau mā toru.

²² Ko ngā tāngata o Netopa, e rima tekau mā ono.

²³ Ko ngā tāngata o Anatoto, kotahi rau e rua tekau mā waru.

²⁴ Ko ngā tama a Ātamawete, e whā tekau mā rua.

²⁵ Ko ngā tama a Kiriatārimi, a Kepira, a Peeroto, e whitu rau e whā tekau mā toru.

²⁶ Ko ngā tama a Rama, a Kapa, e ono rau e rua tekau mā tahi.

²⁷ Ko ngā tama a Mikimaha, kotahi rau e rua tekau mā rua.

²⁸ Ko ngā tāngata o Pētēre, o Hai, e rua rau e rua tekau mā toru.

²⁹ Ko ngā tama a Nepo, e rima tekau mā rua.

³⁰ Ko ngā tama a Makapihi, kotahi rau e rima tekau mā ono.

³¹ Ko ngā tama a tētahi atu Erama, kotahi mano e rua rau e rima tekau mā whā.

³² Ko ngā tama a Hārimi, e toru rau e rua tekau.

³³ Ko ngā tama a Roro, a Hariri, a Ono, e whitu rau e rua tekau mā rima.

³⁴ Ko ngā tama a Heriko, e toru rau e whā tekau mā rima.

³⁵ Ko ngā tama a Henaa, e toru mano e ono rau e toru tekau.

³⁶ Ko ngā tohunga: arā ko ngā tama a Ieraia, o te whare o Hehua, e iwa rau e whitu tekau mā toru.

³⁷ Ko ngā tama a Imere, kotahi mano e rima tekau mā rua.

³⁸ Ko ngā tama a Pahuru, kotahi mano e rua rau e whā tekau mā whitu.

³⁹ Ko ngā tama a Hārimi, kotahi mano kotahi tekau mā whitu.

⁴⁰ Ko ngā Rīwaiti: arā ko ngā tama a Hehua, a Karamiēre; nō ngā tama a Horawia, e whitu tekau mā whā.

⁴¹ Ko ngā kaiwaiata: arā ko ngā tama a Āhapa, kotahi rau e rua tekau mā waru.

⁴² Ko ngā tama a ngā kaitiaki kūwaha: arā ko ngā tama a Harumu, ko ngā tama a Atere, ko ngā tama a Taramono, ko ngā tama a Akupu, ko ngā tama a Hatita, ko ngā tama a Hopai: huihuia kotahi rau e toru tekau mā iwa.

⁴³ Ko ngā Netinimi: arā ko ngā tama a Tiha, ko ngā tama a Hahupa, ko ngā tama a Tapaoto,

⁴⁴ ko ngā tama a Keroho, ko ngā tama a Hiaha, ko ngā tama a Parono,

⁴⁵ ko ngā tama a Repana, ko ngā tama a Hakapa, ko ngā tama a Akupu,

⁴⁶ ko ngā tama a Hakapa, ko ngā tama a Haramai, ko ngā tama a Hanana,

⁴⁷ ko ngā tama a Kirere, ko ngā tama a Kahara, ko ngā tama a Reaia,

⁴⁸ ko ngā tama a Retini, ko ngā tama a Nekora, ko ngā tama a Katama,

⁴⁹ ko ngā tama a Uha, ko ngā tama a Pahea, ko ngā tama a Pehai,

⁵⁰ ko ngā tama a Ahana, ko ngā tama a Meunimi, ko ngā tama a Nepuhimi,

⁵¹ ko ngā tama a Pakapuku, ko ngā tama a Hakupa, ko ngā tama a Harahuru,

⁵² ko ngā tama a Patarutu, ko ngā tama a Mehira, ko ngā tama a Haraha,

⁵³ ko ngā tama a Parakoho, ko ngā tama a Hihera, ko ngā tama a Tāmaha,

⁵⁴ ko ngā tama a Netia, ko ngā tama a Hatipa.

⁵⁵ Ko ngā tama a ngā tāngata a Horomona: 1 arā ko ngā tama a Hotai, ko ngā tama a Hoperete, ko ngā tama a Perura, 1

⁵⁶ ko ngā tama a Taara, ko ngā tama a Tarakono, ko ngā tama a Kirere; 1

⁵⁷ ko ngā tama a Hepatia, ko ngā tama a Hatiri, ko ngā tama a Pokerete o Tepaimi, ko ngā tama a Āmi.

⁵⁸ Ko ngā Netinimi katoa, rātou ko ngā tama a ngā tāngata a Horomona, e toru rau e iwa tekau mā rua.

⁵⁹ Nā, ko ngā mea ēnei i haere mai i Teremera, i Terehareha, i Kerupu, i Ārana, i Imere; otiia kīhai i taea e rātou te whakaatu te whare o ō rātou pāpā, me tō rātou kāwai, nō Īharaira rānei: 1

⁶⁰ ko ngā tama a Teraia, ko ngā tama a Tōpia, ko ngā tama a Nekora, e ono rau e rima tekau mā rua.

⁶¹ Nā, o ngā tama a ngā tohunga: 1 ko ngā tama a Hapaia, 2 (ko ngā tama a Koto, ko ngā tama a Paratirai; i tangohia hoki e ia tētahi o ngā tamāhine a Paratirai Kireari hei wahine māna, nā, kua huaina tō rātou ingoa ki a ia.)

⁶² I rapua e ēnei tō rātou pukapuka whakapapa, arā tō te hunga whakapapa tūpuna, heoi kīhai i kitea. Nā reira i kīia ai rātou he poke, i mutu ake ai tō rātou tohungatanga.

⁶³ Kātahi te kāwana ka mea ki a rātou, kia kaua rātou e kai i ngā mea tapu rawa, kia ara ake rā anō tētahi tohunga kei a ia ngā Urimi me ngā Tumime.

⁶⁴ Ko te huihui katoa, rūpeke, rūpeke, e whā tekau mā rua mano e toru rau e ono tekau;

⁶⁵ hāunga ā rātou pononga tāne, ā rātou pononga wāhine, e whitu mano ēnei e toru rau e toru tekau mā whitu; i a rātou anō he kaiwaiata, he tāne, he wāhine, e rua rau.

⁶⁶ Ko ō rātou hōiho e whitu rau e toru tekau mā ono; ko ō rātou muera e rua rau e whā tekau mā rima;

⁶⁷ ko ō rātou kāmera e whā rau e toru tekau mā rima; ko ngā kāihe e ono mano e whitu rau e rua tekau.

⁶⁸ Nā, ko ētahi o ngā upoko o ngā whare o ngā mātua, i tō rātou haerenga ki te whare o Ihowā i Hiruhārama, hihiko tonu rātou ki te hōmai mea hei whakatū mō te whare o te Atua ki tōna wāhi.

⁶⁹ Rite tonu ki ō rātou rawa ngā mea i hōmai e rātou ki roto ki ngā taonga mō te mahi, e ono tekau mā tahi mano ngā moni kōura, e rima mano ngā pāuna hiriwa, me ngā kākahu mō ngā tohunga kotahi rau.

⁷⁰ Nā, noho ana ngā tohunga me ngā Rīwaiti, me ētahi o te iwi, me ngā kaiwaiata, me ngā kaitiaki kūwaha, me ngā Netinimi ki ō rātou pā, me Īharaira katoa anō hoki ki ō rātou pā.