1 Whakapapa 6 - Paipera Tapu 2012

Ngā Uri o Rīwai

¹ Ko ngā tama a Rīwai: ko Kerehona, ko Kohata, ko Merari.

² Ā, ko ngā tama a Kohata: ko Āmarama, ko Itihara, ko Heperona, ko Utiere.

³ Nā, ko ngā tama a Āmarama: ko Ārona, ko Mohi, ko Miriama. Ā, ko ngā tama a Ārona: ko Nātapa, ko Apihu, ko Ereātara, ko Itamara.

⁴ Nā Ereātara ko Pinehaha, nā Pinehaha ko Apīhua,

⁵ nā Apīhua ko Puki, ā, nā Puki ko Uti,

⁶ nā Uti ko Terahia, ā, nā Terahia ko Meraioto;

⁷ nā Meraioto ko Amaria, ā, nā Amaria ko Ahitupu;

⁸ nā Ahitupu ko Hāroko, ā, nā Hāroko ko Ahimāta;

⁹ nā Ahimāta hoki ko Atāria, ā, nā Atāria ko Iohanana;

¹⁰ nā Iohanana ko Atāria, (ko ia nei te tohunga i mahi i roto i te whare i hangā e Horomona ki Hiruhārama).

¹¹ Ā, nā Atāria ko Amaria, nā Amaria ko Ahitupu;

¹² nā Ahitupu ko Hāroko, nā Hāroko ko Harumu;

¹³ nā Harumu ko Hirikia, ā, nā Hirikia ko Atāria,

¹⁴ nā Atāria ko Heraia, ā, ko tā Heraia ko Iohereke;

¹⁵ i whakaraua atu a Iohereke i te mauranga atu a Ihowā i a Hūrā, i Hiruhārama hoki, nā te ringa o Nepukaneha.

Ētahi atu Uri o Rīwai

¹⁶ Ko ngā tama a Rīwai: ko Kerehoma, ko Kohata, ko Merari.

¹⁷ Ā, ko ngā ingoa ēnei o ngā tama a Kerehoma: ko Ripini, ko Himei.

¹⁸ Nā, ko ngā tama a Kohata: ko Āmarama, ko Itihara, ko Heperona, ko Utiere.

¹⁹ Ko ngā tama a Merari: ko Māhari, ko Muhi. Ko ngā hapū anō ēnei o ngā Rīwaiti i te tikanga iho o ngā whare o ō rātou mātua.

²⁰ Nā Kerehoma ko tāna tama ko Ripini, ko tāna tama ko Iahata, ko tāna tama ko Tima,

²¹ ko tāna tama ko Ioaha, ko tāna tama ko Iro, ko tāna tama ko Tera, ko tāna tama ko Teaterai.

²² Ko ngā tama a Kohata: ko tāna tama ko Aminarapa, ko tāna tama ko Koraha, ko tāna tama ko Ahiri,

²³ ko tāna tama ko Erekana, ko tāna tama ko Epiahapa, ko tāna tama ko Ahiri,

²⁴ ko tāna tama ko Tahata, ko tāna tama ko Uriere, ko tāna tama ko Utia, ko tāna tama ko Haora.

²⁵ Nā, ko ngā tama a Erekana: ko Amahai, ko Ahimoto,

²⁶ nā, mō Erekana, ko ngā tama a Erekana; ko tāna tama ko Towhai, ko tāna tama ko Nahata;

²⁷ ko tāna tama ko Eriapa, ko tāna tama ko Ierohama, ko tāna tama ko Erekana.

²⁸ Nā, ko ngā tama a Hamuera: ko te mātāmua ko Hoera, ā, ko te tuarua ko Apia.

²⁹ Ko ngā tama a Merari: ko Māhari, ko tāna tama ko Ripini, ko tāna tama ko Himei, ko tāna tama ko Uha,

³⁰ ko tāna tama Himeia, ko tāna tama ko Hakia, ko tāna tama ko Ahaia.

Ngā Kaiwhakatangitangi o te Temepara

³¹ Ā, ko te hunga tēnei i whakaritea e Rāwiri mō te mahi waiata i te whare o Ihowā, i te mea ka whai okiokinga te āka.

³² I minita anō rātou ki te ritenga atu o te nohoanga o te tapenākara o te whakaminenga, i waiata, ā taea noatia te hanganga a Horomona i te whare o Ihowā ki Hiruhārama; kātahi rātou ka tūturu ki tā rātou mahi i whakaritea mā rātou.

³³ Nā, ko te hunga tēnei i tūturu, me ā rātou tama: Nō ngā tama a ngā Kohati: ko Hēmana, he kaiwaiata, he tama nā Hoera, tama a Hamuera,

³⁴ tama a Erekana, tama a Ierohama, tama a Eriere, tama a Toaha,

³⁵ tama a Tupu, tama a Erekana, tama a Mahata, tama a Amahai,

³⁶ tama a Erekana, tama a Hoera, tama a Atāria, tama a Tepania,

³⁷ tama a Tahata, tama a Ahiri, tama a Epiahapa, tama a Koraha,

³⁸ tama a Itihara, tama a Kohata, tama a Rīwai, tama a Īharaira.

³⁹ Ko tōna teina anō hoki ko Āhapa, i tū nei ki tōna ringa matau: arā a Āhapa, tama a Perekia, tama a Himea,

⁴⁰ tama a Mikaera, tama a Paaheia, tama a Marakia,

⁴¹ tama a Eteni, tama a Tera, tama a Araia,

⁴² tama a Ētana, tama a Tima, tama a Himei,

⁴³ tama a Iahata, tama a Kerehoma, tama a Rīwai.

⁴⁴ Nā, i te taha ki mauī ko ō rātou tēina, ko ngā tama a Merari: ko Ētana tama a Kihihi, tama a Apari, tama a Maruku,

⁴⁵ tama a Hahapia, tama a Amatia, tama a Hirikia,

⁴⁶ tama a Amati, tama a Pani, tama a Hamere,

⁴⁷ tama a Māhari, tama a Muhi, tama a Merari, tama a Rīwai.

⁴⁸ I whakaritea anō hoki ō rātou tuākana, tēina, ngā Rīwaiti, ki ngā mahi katoa o te tapenākara o te whare o te Atua.

Ngā Uri o Ārona

⁴⁹ Ko Ārona ia i mea whakahere, rātou ko āna tama, ki runga ki te āta tahunga tinana, ki runga hoki ki te āta tahu whakakakara; ko tā rātou ko ngā mahi katoa o te whare tino tapu, ko te whakamārie mō Īharaira; ko ngā mea katoa i whakahaua e Mohi pononga a te Atua.

⁵⁰ Nā, ko ngā tama ēnei a Ārona: ko tāna tama ko Ereātara, ko tāna tama ko Pinehaha, ko tāna tama ko Apīhua,

⁵¹ ko tāna tama ko Puki, ko tāna tama ko Uti, ko tāna tama ko Terahia,

⁵² ko tāna tama ko Meraioto, ko tāna tama ko Amaria, ko tāna tama ko Ahitupu,

⁵³ ko tāna tama ko Hāroko, ko tāna tama ko Ahimāta.

Ngā Nohoanga o ngā Rīwaiti

⁵⁴ Nā, ko ō rātou nohoanga ēnei i te tātai o ō rātou puni i roto i ō rātou rohe: i ngā tama a Ārona, o ngā whānau o ngā Kohati, nō rātou nei hoki te rota tuatahi.

⁵⁵ I hoatu ki a rātou a Heperona i te whenua o Hūrā, me ngā wāhi i waho ake o tērā ā whawhe noa,

⁵⁶ ko ngā māra ia o te pā, me ōna pā ririki, i hoatu ki a Karepe tama a Iepune.

⁵⁷ Ā, i hoatu ki ngā tama a Ārona, o ngā pā o Hūrā, ko Heperona, ko te pā whakaora: ko Rīpina me ōna wāhi o waho ake, ko Iatiri, ko Ehetemoa me ngā wāhi o waho ake,

⁵⁸ ko Hirene me ōna wāhi o waho ake, ko Repiri me ōna wāhi o waho ake,

⁵⁹ ko Ahana me ōna wāhi o waho ake, ko Petehemehe me ōna wāhi o waho ake.

⁶⁰ Ā, nō o te iwi o Pineamine, ko Kepa me ōna wāhi o waho ake, ko Aremete me ōna wāhi o waho ake, ko Anatoto me ōna wāhi o waho ake. Ko ō rātou pā katoa i ō rātou hapū katoa, kotahi tekau mā toru pā.

⁶¹ Ā, ki te toenga atu o ngā tama a Kohata i hoatu, he mea nā te rota, nō roto i o tētahi hapū o te iwi, nō tētahi tānga o te iwi, te tānga o Mānahi, tekau ngā pā.

⁶² Ā, ki ngā tama a Kerehoma i ō rātou hapū, tekau mā toru ngā pā, nō te iwi o Ihākara, nō te iwi o Āhera, nō te iwi o Napatari, nō te iwi o Mānahi i Pahana.

⁶³ Ā, ki ngā tama a Merari i ō rātou hapū, i hoatu tekau mā rua ngā pā, he mea rota; nō te iwi o Reupena, nō te iwi o Kara, nō te iwi o Hepurona.

⁶⁴ Nā, he mea hoatu ēnei pā me ngā wāhi o waho ake e ngā tama a Īharaira ki ngā Rīwaiti.

⁶⁵ I hoatu anō e rātou, he mea rota, ēnei pā kua huaina nei ngā ingoa, nō roto i ō te iwi o ngā tama a Hūrā, i ō te iwi anō hoki o ngā tama a Himiona, i ō te iwi anō hoki o ngā tama a Pineamine.

⁶⁶ Nā, ko ētahi o ngā hapū o ngā tama a Kohata i ā rātou ētahi pā i ō rātou rohe, nō o te iwi o Ēparaima.

⁶⁷ Ā, i hoatu e rātou ki a rātou ngā pā whakaora: a Hekeme i te whenua pukepuke o Ēparaima me ngā wāhi o waho ake ōna, a Kētere hoki me ōna wāhi o waho ake,

⁶⁸ a Iokomēama me ōna wāhi o waho ake, a Petehorono me ōna wāhi o waho ake,

⁶⁹ a Atarono, me ōna wāhi o waho ake, a Katarimono me ōna wāhi o waho ake.

⁷⁰ Ā, nō tētahi tānga o te iwi o Mānahi, ko Anere me ōna wāhi o waho ake, ko Pireama me ōna wāhi o waho ake, mō te hapū o ngā mea i mahue o ngā tama a Kohata.

⁷¹ Ā, ki ngā tama a Kerehoma: i hoatu i roto i o tētahi tānga o te iwi o Mānahi: ko Korana i Pahana me ōna wāhi o waho ake, ko Ahataroto me ōna wāhi o waho ake;

⁷² nō roto i ō te iwi o Ihākara: ko Kerehe me ōna wāhi o waho ake, ko Taperata me ōna wāhi o waho ake,

⁷³ ko Rāmoto me ōna wāhi o waho ake, ko Aneme me ōna wāhi o waho ake;

⁷⁴ ā, nō o te iwi o Āhera: ko Mahara me ōna wāhi o waho ake, ko Aparono me ōna wāhi o waho ake,

⁷⁵ ko Hukoko me ōna wāhi o waho ake ko Rehopo me ōna wāhi o waho ake;

⁷⁶ ā, nō o te iwi o Napatari: ko Kerehe i Karirī me ōna wāhi o waho ake, ko Hamono me ōna wāhi o waho ake, ko Kiriataima me ōna wāhi o waho ake.

⁷⁷ Ki ērā atu o ngā Rīwaiti, ki ngā tama a Merari, i hoatu: nō o te iwi o Hepurona ko Rimono me ōna wāhi o waho ake, ko Taporo me ōna wāhi o waho ake,

⁷⁸ ā, i tērā taha o Horano, i te ritenga o Heriko, i te taha ki te rāwhiti o Horano i hoatu ki a rātou ētahi pā nō o te iwi o Reupena: ko Pētere i te koraha me ōna wāhi o waho ake, ko Iahata me ōna wāhi o waho ake,

⁷⁹ ko Keremoto me ōna wāhi o waho ake, ko Mepaata me ōna wāhi o waho ake;

⁸⁰ ā, nō o te iwi o Kara: ko Rāmoto i Kireara me ōna wāhi o waho ake, ko Mahanaima me ōna wāhi o waho ake,

⁸¹ ko Hehepona me ōna wāhi o waho ake, ko Iatere me ōna wāhi o waho ake.