1 Whakapapa 2 - Paipera Tapu 2012

Ngā Uri o Hūrā

¹ Ko ngā tama ēnei a Īharaira: ko Reupena, ko Himiona, ko Rīwai, ko Hūrā, ko Ihākara, ko Hepurona,

² ko Rāna, ko Hōhepa, ko Pineamine, ko Napatari, ko Kara, ko Āhera.

³ Ko ngā tama a Hūrā: ko Ere, ko Ōnama, ko Heraha; ā, ko ēnei tama tokotoru āna nā Patehua Kanaani. Nā, i hē a Ere mātāmua a Hūrā i te aroaro o Ihowā; ā, whakamatea ana e ia.

⁴ Nā, whānau ake tāna, i tāna hunaonga i a Tāmara, ko Parete, ko Tera. Ko ngā tama katoa a Hūrā tokorima.

⁵ Ko ngā tama a Parete: ko Heterono, ko Hāmuru.

⁶ Ko ngā tama a Tera: ko Tīmiri, ko Ētana, ko Hēmana, ko Karakoro, ko Rara, huihuia rātou ka tokorima.

⁷ Nā, ko ngā tama a Karami: ko Ākara ko te kaiwhakararu o Īharaira, i hē nei i te mea i kangā.

⁸ Ā, ko ngā tama a Ētana: ko Atāria.

Te Whakapapa o Kīngi Rāwiri

⁹ Ko ngā tama hoki a Heterono, i whānau māna: ko Ierameere, ko Rame, ko Kerupai.

¹⁰ Nā Rame ko Aminarapa; nā Aminarapa ko Nāhahona, he rangatira nō ngā tama a Hūrā.

¹¹ Ā, nā Nāhahona ko Hārama, nā Hārama ko Poaha,

¹² ā, nā Poaha ko Ōpere, nā Ōpere ko Hehe.

¹³ Ā, ko te mātāmua a Hehe ko Eriapa, ko Apinarapa hoki te tuarua, ā, ko Himea te tuatoru;

¹⁴ ko Netanēre te tuawhā, ko Rara te tuarima;

¹⁵ ko Oteme te tuaono, ko Rāwiri te tuawhitu;

¹⁶ ā, ko ō rātou tuāhine, ko Teruia rāua ko Apikaira. Ā, ko ngā tama a Teruia: ko Āpihai, ko Ioapa, ko Atahere, tokotoru.

¹⁷ Whānau ake tā Apikaira, ko Amaha: nā, ko te pāpā o Amaha, ko Iētere Ihimaeri.

Ngā Uri o Heterono

¹⁸ Ā, ka whānau he tama mā Karepe, mā te tama a Heterono, i tāna wahine i a Atupa, ā, i a Ierioto; ā, ko ēnei a tēnei tama: ko Tehere, ko Hōpapa, ko Ararono.

¹⁹ Nā, ka mate a Atupa, ā, ka tangohia e Karepe māna a Ēparata, ā, whānau ake tā rāua ko Huru.

²⁰ Whānau ake tā Huru, ko Uri; whānau ake tā Uri, ko Petarēre.

²¹ Nā muri iho ka haere a Heterono ki te tamāhine a Makiri, pāpā o Kireara. E ono tekau ōna tau i tāna tangohanga i a ia; ā, whānau ake tā rāua, ko Hekupu.

²² Whānau ake tā Hekupu, ko Haira. E rua tekau mā toru ōna pā i te whenua o Kireara.

²³ Ā, i tangohia e Kehuru rāua ko Arame ngā pā o Haira i a rātou, a Kenata anō hoki, me ōna pā ririki, e ono tekau ngā pā. Ko ēnei katoa he tama nā Makiri, pāpā o Kireara.

²⁴ Ā, nō muri i te matenga o Heterono i Karepe Ēparata, ka whānau a Apia wahine a Heterono, ko tā rāua tama ko Ahuru pāpā o Tekoa.

Ngā Uri o Ierameere

²⁵ Ko ngā tama a Ierameere mātāmua a Heterono: ko Rame, ko te mātāmua, ko Puna, ko Orene, ko Oteme, ko Āhia.

²⁶ He wahine anō tā Ierameere, ko tōna ingoa ko Atara; ko te whaea ia o Ōnama.

²⁷ Nā, ko ngā tama a Rame, a te mātāmua a Ierameere: ko Maata, ko Iamini, ko Ekere.

²⁸ Nā, ko ngā tama a Ōnama: ko Hamai, ko Iara. Ko ngā tama a Hamai: ko Nātapa, ko Apihuru.

²⁹ Nā, ko te ingoa o te wahine a Apihuru ko Apihaira whānau ake a rāua, ko Ahapana, ko Moriri.

³⁰ Nā, ko ngā tama a Nātapa: ko Herere, ko Apaima; i mate urikore ia a Herere.

³¹ Nā, ko ngā tama a Apaima: ko Ihi. Ko ngā tama a Ihi: ko Hehana. Ā, ko ngā tama a Hehana: ko Aharai.

³² Ko ngā tama a Iara teina o Hamai: ko Iētere, ko Honatana; i mate urikore anō a Iētere.

³³ Nā, ko ngā tama a Honatana: ko Perete, ko Tata. Ko ngā tama ēnei a Ierameere.

³⁴ Nā, kāhore he tama a Hehana; engari he tamāhine. He pononga ia tā Hehana, he Īhipiana, ko tōna ingoa, ko Iaraha.

³⁵ Nā, ka hoatu e Hehana tāna tamāhine ki tāna pononga ki a Iaraha hei wahine māna; ā, whānau ake tā rāua; ko Atai.

³⁶ Whānau ake tā Atai ko Nātana, ā, nā Nātana ko Tāpara;

³⁷ nā Tāpara ko Eperāra, ā, nā Eperara ko Ōpere.

³⁸ Nā Ōpere ko Iehu, ā, nā Iehu ko Atāria.

³⁹ Nā Atāria ko Herete, ā, nā Herete ko Ereaha.

⁴⁰ Nā Ereaha ko Hīhāmai, ā, nā Hīhāmai ko Harumu.

⁴¹ Nā Harumu ko Tekamia, ā, nā Tekamia ko Erihama.

Ētahi atu Uri o Karepe

⁴² Nā, ko ngā tama a Karepe teina o Ierameere: ko Meha tāna mātāmua, ko te pāpā ia o Tiwhi; me ngā tama a Mareha te pāpā o Heperona.

⁴³ Nā, ko ngā tama a Heperona: ko Koraha, ko Tapua, ko Rekeme, ko Hema.

⁴⁴ Nā Hema ko Rahama, ko te pāpā o Torokoama; ā, nā Rekeme ko Hamai.

⁴⁵ Nā, ko te tama a Hamai ko Maono; ā, ko Maono te pāpā o Peteturu.

⁴⁶ Ā, whānau ake tā Epa, tā te wahine iti a Karepe, ko Harana, ko Mota, ko Katete; nā Harana ko Katete.

⁴⁷ Nā, ko ngā tama a Taharai: ko Rekeme, ko Iotama, ko Kehama, ko Perete, ko Epa, ko Haapa.

⁴⁸ Whānau ake a Maaka, a te wahine iti a Karepe, ko Hēpere, ko Tirihana.

⁴⁹ Whānau ake anō āna, ko Haapa, ko te pāpā o Māramana, ko Hewha pāpā o Makapena, pāpā hoki o Kipea. Nā, ko te tamāhine a Karepe, ko Ākaha.

⁵⁰ Ko ngā tama ēnei a Karepe tama a Huru, mātāmua a Ēparata: ko Hopara pāpā o Kiriata Tearimi,

⁵¹ ko Hārama, pāpā o Pēterehema, ko Harepe pāpā o Petekarere.

⁵² Nā, he tama anō a Hopara pāpā o Kiriata Tearimi: ko Haroe, me tētahi taha o ngā Manaheti,

⁵³ me ngā hapū o Kiriata Tearimi; ngā Ītiri, ngā Puti, ngā Humati, ngā Mihirai; nō ēnei ngā Torati, me ngā Ehetauri.

⁵⁴ Ko ngā tama a Hārama: ko Pēterehema, ko ngā Netopati, ko Ataroto, ko te whare o Ioapa, ko tētahi taha o ngā Manaheti, ko ngā Tori.

⁵⁵ Me ngā hapū o ngā kaituhituhi i noho ki Tapete: ngā Tirati, ngā Himeati, ngā Hukati. Ko ngā Keni ēnei, ko ngā uri o Hemata, o te pāpā o te whare o Rekapa.