स्तोत्रसंहिता 136 - पवित्रशास्त्र मराठी समकालीन आवृत्ती

स्तोत्र 136

¹ याहवेहचे उपकारस्मरण करा, कारण ते चांगले आहेत, त्यांची करुणा सनातन आहे.

² देवाधिदेवाचे उपकारस्मरण करा, त्यांची करुणा सनातन आहे.

³ प्रभूंच्या प्रभूचे आभार माना, त्यांची करुणा सनातन आहे.

⁴ केवळ तेच असे महान चमत्कार करू शकतात, त्यांची करुणा सनातन आहे.

⁵ ज्यांनी आपल्या बुद्धिसामर्थ्याने स्वर्गाची निर्मिती केली, त्यांची करुणा सनातन आहे.

⁶ त्यांनी जलावर पृथ्वीचा विस्तार केला, त्यांची करुणा सनातन आहे.

⁷ त्यांनी प्रचंड ज्योती निर्माण केल्या— त्यांची करुणा सनातन आहे.

⁸ दिवसावर प्रभुत्व चालविण्यासाठी सूर्य, त्यांची करुणा सनातन आहे.

⁹ रात्रीवरील प्रभुत्वासाठी चंद्र व तारे निर्माण केले; त्यांची करुणा सनातन आहे.

¹⁰ त्यांनी इजिप्ती लोकांच्या प्रथम संतानास मारून टाकले, त्यांची करुणा सनातन आहे.

¹¹ त्यांनी इस्राएलास त्यांच्या तावडीतून सोडविले, त्यांची करुणा सनातन आहे.

¹² ज्यांनी आपल्या सशक्त हातांनी व विस्तारलेल्या भुजांनी त्यांना सोडविले, त्यांची करुणा सनातन आहे.

¹³ तांबडा समुद्र दुभागला, त्यांची करुणा सनातन आहे.

¹⁴ आणि इस्राएली लोकांना त्यामधून सुखरुपपणे पार नेले, त्यांची करुणा सनातन आहे.

¹⁵ परंतु फारोह आणि त्याचे सैन्य तांबड्या समुद्रात बुडवून टाकले; त्यांची करुणा सनातन आहे.

¹⁶ ज्यांनी आपल्या लोकांना अरण्यातून नेले, त्यांची करुणा सनातन आहे.

¹⁷ ज्यांनी प्रबळ राजांचा नायनाट केला, त्यांची करुणा सनातन आहे.

¹⁸ ज्यांनी प्रतापी राजांना ठार केले— त्यांची करुणा सनातन आहे.

¹⁹ ज्यांनी अमोरी लोकांचा राजा सीहोन याला, त्यांची करुणा सनातन आहे.

²⁰ आणि बाशान प्रांताचा राजा ओग यालाही— त्यांची करुणा सनातन आहे.

²¹ आणि त्यांची भूमी इस्राएलला कायमचे वतन म्हणून, त्यांची करुणा सनातन आहे.

²² ज्यांनी आपला सेवक इस्राएल याला वारसा म्हणून दिली, त्यांची करुणा सनातन आहे.

²³ ज्यांनी आमच्या पराकाष्ठेच्या दुबळेपणात आमची आठवण केली, त्यांची करुणा सनातन आहे.

²⁴ आणि त्यांनी आम्हाला शत्रूपासून सोडविले, त्यांची करुणा सनातन आहे.

²⁵ ते सर्व प्राणिमात्राला अन्नपुरवठा करतात, त्यांची करुणा सनातन आहे.

²⁶ स्वर्गातील परमेश्वराचे उपकारस्मरण करा, त्यांची करुणा सनातन आहे.