१ इतिहास 8 - पवित्रशास्त्र मराठी समकालीन आवृत्ती

बिन्यामीन शौलाची वंशावळी

¹ बिन्यामीनच्या पुत्रांची नावे: ज्येष्ठपुत्र बेला, दुसरा आशबेल, तिसरा अहरह,

² चौथा नोआह व पाचवा राफा.

³ बेलाचे पुत्र: अद्दार, गेरा, अबीहूद,

⁴ अबीशूवा, नामान, अहोआह,

⁵ गेरा, शेफूफान व हुराम.

⁶ एहूदाचे पुत्र, जे गेबा येथील कुटुंबाचे प्रमुख होते, ज्यांचा पाडाव करून त्यांना मानाहथ येथे नेले ते:

⁷ नामान, अहीयाह व गेरा यास कैद करून पाठविण्यात आले. गेराचे पुत्र उज्जा व अहीहूद.

⁸ शहरयिमाने आपल्या पत्नी हुशीम व बारा यांच्यापासून घटस्फोट घेतला व मोआब देशामध्ये त्याला पुत्र झाले.

⁹ त्याची पत्नी होदेशच्या पोटी झालेले पुत्र: योबाब, सिब्या, मेशा, मल्काम,

¹⁰ यऊस, शख्याह व मिर्माह. हे त्यांच्या कुटुंबाचे प्रमुख होते.

¹¹ हुशीमेपासून त्यास झालेले पुत्र अबीतूब व एल्पाल.

¹² एल्पालाचे पुत्र: एबर, मिशाम व शमेद (ज्याने ओनो व लोद ही नगरे व त्यांच्या आसपासची गावे वसविली),

¹³ बरीयाह व शमा हे अय्यालोन लोकांचे कुटुंबप्रमुख होते व त्यांनी गथकरास पळवून लावले.

¹⁴ अहियो, शशक, यरेमोथ,

¹⁵ जबद्याह, अराद, एदर,

¹⁶ मिखाएल, इश्पाह व योहा हे बरीयाहचे पुत्र.

¹⁷ जबद्याह, मशुल्लाम, हिज्की, हेबेर,

¹⁸ इश्मरय, इज्लीयाह व योबाब हे एल्पालाचे पुत्र.

¹⁹ याकीम, जिक्री, जब्दी,

²⁰ अलीएनय, सिलथाई, एलीएल,

²¹ अदायाह, बरीयाह व शिम्राथ हे शिमीचे पुत्र.

²² इश्पान, एबर, एलीएल,

²³ अब्दोन, जिक्री, हानान,

²⁴ हनन्याह, एलाम, अनथोथीयाह,

²⁵ इफदयाह व पेनुएल हे शशकाचे पुत्र.

²⁶ शमशेराय, शहर्‍याह, अथल्याह,

²⁷ यारेश्याह, एलीयाह व जिक्री हे यरोहामाचे पुत्र.

²⁸ हे त्यांच्या पिढीतील कुटुंबप्रमुख असून ते यरुशलेम येथे राहात असत.

²⁹ गिबोनचा पिता ईयेल, गिबोन येथे स्थायिक झाला. त्याच्या पत्नीचे नाव माकाह.

³⁰ त्याच्या पुत्रांची नावे: ज्येष्ठ अब्दोन, मग सूर, कीश, बाल, नेर, नादाब,

³¹ गदोर, अहियो, जेखर

³² आणि मिकलोथ जो शिमिआचा पिता. त्यांनीही त्यांच्या नातलगांजवळ यरुशलेम येथे वस्ती केली.

³³ नेराला कीश झाला, कीशाला शौल, शौलाला योनाथान, मलकीशुवा, अबीनादाब व एश-बाल हे पुत्र झाले.

³⁴ योनाथानाचा पुत्र: मरीब-बाल ला मीखाह झाला.

³⁵ मीखाहचे पुत्र: पीथोन, मेलेख, तरेया व आहाज.

³⁶ आहाजास यहोअद्दा, यहोअद्दाहास आलेमेथ, अजमावेथ व जिम्री, जिम्रीस मोसा.

³⁷ मोसाला बिना, बिनाला राफाह, राफाहला एलीयासाह, व एलीयासाहला आजेल झाले.

³⁸ आजेलास सहा पुत्र होते. त्यांची नावे अशी: अज्रीकाम, बोखेरू, इश्माएल, शिआरियाह, ओबद्याह व हानान. हे सर्व आजेलाचे पुत्र.

³⁹ त्याचा भाऊ एशेकाचे पुत्र: ज्येष्ठ ऊलाम, दुसरा यऊश व तिसरा एलिफेलेत.

⁴⁰ ऊलामाचे वंशज शूरवीर असून धनुर्धारी होते; त्यांचे पुत्र पौत्रे एकूण 150 लोक. हे सर्व बिन्यामीनचे वंशज होते.