१ इतिहास 6 - पवित्रशास्त्र मराठी समकालीन आवृत्ती

लेवी

¹ लेवीचे पुत्र: गेर्षोन, कोहाथ व मरारी.

² कोहाथाचे पुत्र: अम्राम, इसहार, हेब्रोन व उज्जीएल.

³ अम्रामाची संतती: अहरोन, मोशे व मिर्याम. अहरोनाचे पुत्र: नादाब, अबीहू, एलअज़ार व इथामार.

⁴ एलअज़ारास फिनहास, फिनहासास अबीशूवा,

⁵ अबीशूवास बुक्की, बुक्कीस उज्जी,

⁶ उज्जीस जरह्याह, जरह्याहास मरायोथ,

⁷ मरायोथास अमर्‍याह, अमर्‍याहास अहीतूब,

⁸ अहीतूबास सादोक, सादोकास अहीमाज,

⁹ अहीमाजास अजर्‍याह, अजर्‍याहास योहानान,

¹⁰ योहानान यास अजर्‍याह झाला. अजर्‍याह शलोमोनाने यरुशलेमात बांधलेल्या मंदिरात याजक म्हणून सेवा करीत असे.

¹¹ अजर्‍याहास अमर्‍याह, अमर्‍याहास अहीतूब झाला,

¹² अहीतूबास सादोक, सादोकास शल्लूम,

¹³ शल्लूमास हिल्कियाह, हिल्कियाहास अजर्‍याह,

¹⁴ अजर्‍याहास सरायाह, सेरायाहास यहोसादाक झाला.

¹⁵ याहवेहने बाबेलचा राजा नबुखद्नेस्सराच्या हस्ते यहूदीया व यरुशलेमचा पाडाव केला, तेव्हा यहोसादाक बंदी झाला.

¹⁶ लेवीचे पुत्र: गेर्षोन, कोहाथ व मरारी.

¹⁷ ही गेर्षोनच्या पुत्रांची नावे: लिब्नी व शिमी.

¹⁸ कोहाथाचे पुत्र: अम्राम, इसहार, हेब्रोन व उज्जीएल.

¹⁹ मरारीचे पुत्र: महली व मूशी. त्यांच्या पूर्वजांप्रमाणे नोंदवलेली लेव्यांची कुळे:

²⁰ गेर्षोमाच्या कुळातील: गेर्षोमचा पुत्र लिब्नी, लिब्नीचा पुत्र यहथ, यहथाचा पुत्र जिम्माह,

²¹ जिम्माहाचा पुत्र योवाह, योवाहचा पुत्र इद्दो, इद्दोचा पुत्र जेरह, जेरहचा पुत्र जेथेराय.

²² कोहाथाचे वंशज: कोहाथाचा पुत्र अम्मीनादाब, अम्मीनादाबाचा पुत्र कोरह, कोरहाचा पुत्र अस्सीर,

²³ अस्सीरचा पुत्र एलकानाह, एलकानाहचा पुत्र एब्यासाफ, एब्यासाफाचा पुत्र अस्सीर,

²⁴ अस्सीरचा पुत्र तहथ, तहथाचा पुत्र उरीएल, उरीएलाचा पुत्र उज्जीयाह आणि त्याचा पुत्र शौल.

²⁵ एलकानाहचे वंशज: अमासय व अहीमोथ.

²⁶ एलकानाहचा पुत्र सोफय, सोफयाचा पुत्र नहाथ, नहाथाचा पुत्र एलियाब,

²⁷ एलियाबाचा पुत्र, यरोहाम व त्याचा पुत्र एलकानाह, एलकानाहचा पुत्र शमुवेल.

²⁸ शमुवेलाचे पुत्र: ज्येष्ठ योएल व दुसरा अबीयाह.

²⁹ मरारीचे वंशज: महली, त्याचा पुत्र लिब्नी, त्याचा पुत्र शिमी, त्याचा पुत्र उज्जाह,

³⁰ त्याचा पुत्र शिमा, त्याचा पुत्र हग्गीयाह व त्याचा पुत्र असायाह.

मंदिराचे संगीतकार

³¹ कोश स्थायिक झाल्यावर दावीदाने याहवेहच्या मंदिरात गायकवृंदात जे पुरुष नेमले ते:

³² यरुशलेममध्ये शलोमोन याहवेहचे मंदिर बांधेपर्यंत सभामंडपाच्या निवासमंडपासमोर त्यांनी संगीताची सेवा केली. ते आपल्या कामावर क्रमानुसार हजर राहत असत.

³³ ज्या पुरुषांनी त्यांच्या पुत्रांसह मिळून सेवा केली त्यांची नावे: कोहाथी पासून: गायक हेमान, जो योएलचा पुत्र, जो शमुवेलाचा पुत्र,

³⁴ जो एलकानाहचा पुत्र, जो यरोहामाचा पुत्र, जो एलीएलचा पुत्र, जो तोहाचा पुत्र,

³⁵ जो सूफाचा पुत्र, जो एलकानाहचा पुत्र, जो महथचा पुत्र, जो अमासयचा पुत्र,

³⁶ जो एलकानाहचा पुत्र, जो योएलचा पुत्र, जो अजर्‍याहाचा पुत्र, जो सफन्याहाचा पुत्र,

³⁷ जो तहथाचा पुत्र, जो अस्सीरचा पुत्र, जो एब्यासाफचा पुत्र, जो कोरहाचा पुत्र,

³⁸ जो इसहारचा पुत्र, जो कोहाथचा पुत्र, जो लेवीचा पुत्र, आणि जो इस्राएलचा पुत्र.

³⁹ हेमानाचा भाऊ आसाफ त्याच्या उजवीकडे उभा राहात असे: आसाफ जो बेरेख्याहचा पुत्र, जो शिमाचा पुत्र,

⁴⁰ जो मिखाएलचा पुत्र, जो बासेयाहचा पुत्र, जो मल्कीयाहचा पुत्र,

⁴¹ जो एथनीचा पुत्र, जो जेरहचा पुत्र, जो अदायाहचा पुत्र,

⁴² जो एथानचा पुत्र, जो जिम्माहचा पुत्र, जो शिमीचा पुत्र,

⁴³ जो यहथाचा पुत्र, जो गेर्षोमचा पुत्र, आणि जो लेवीचा पुत्र,

⁴⁴ आणि त्यांच्या डावीकडे, मरारी कुळातील सहायक: एथान जो किशीचा पुत्र, जो अब्दीचा पुत्र, जो मल्लूखचा पुत्र,

⁴⁵ जो हशब्याहाचा पुत्र, जो अमस्याहाचा पुत्र, जो हिल्कियाहचा पुत्र,

⁴⁶ जो अमसीचा पुत्र, जो बानीचा पुत्र, जो शेमेरचा पुत्र,

⁴⁷ जो महलीचा पुत्र, जो मूशीचा पुत्र, जो मरारीचा पुत्र, आणि जो लेवीचा पुत्र.

⁴⁸ त्यांच्या लेवी भाऊबंदांना परमेश्वराच्या भवनाच्या निवासमंडपातील सर्व सेवेसाठी समर्पित करण्यात आलेले होते.

⁴⁹ अहरोन व त्याचे वंशज हे होमवेदीवर व धूपवेदीवर अर्पणे करीत असत. परमपवित्र स्थानासंबंधीची सर्व कामे ते करीत आणि इस्राएली लोकांसाठी प्रायश्चित करीत. परमेश्वराचा सेवक मोशेने दिलेल्या आज्ञेप्रमाणे ते करीत असत.

⁵⁰ अहरोनाचे वंशज: अहरोनाचा पुत्र एलअज़ार, त्याचा पुत्र फिनहास, त्याचा पुत्र अबीशूवा,

⁵¹ त्याचा पुत्र बुक्की, त्याचा पुत्र उज्जी, त्याचा पुत्र जरह्याह,

⁵² त्याचा पुत्र मरायोथ, त्याचा पुत्र अमर्‍याह, त्याचा पुत्र अहीतूब,

⁵³ त्याचा पुत्र सादोक व त्याचा पुत्र अहीमाज.

⁵⁴ हा प्रदेश त्यांना वाटप म्हणून देण्यात आला होता. ही त्यांच्या वसाहतींची ठिकाणे बनली. (हा प्रदेश अहरोनाच्या वंशज कोहाथी कुळातील लोकांना देण्यात आला, कारण पहिली चिठ्ठी त्यांच्यासाठी होती):

⁵⁵ यहूदीयाच्या प्रदेशातील हेब्रोन हे नगर त्याच्या शिवारांसहित दिले.

⁵⁶ पण त्या नगराची शेते व गावे यफुन्नेहचा पुत्र कालेब याला दिली.

⁵⁷ अहरोनाच्या वंशजास पुढील नगरे देण्यात आली: हेब्रोन (शरणपूर म्हणून), लिब्नाह व त्याचे शिवार, यत्तीर, एशतमोआ,

⁵⁸ हीलेन, दबीर,

⁵⁹ आशान, युताह, बेथ-शेमेश सर्व त्यांच्या शिवारासह.

⁶⁰ बिन्यामीनच्या गोत्रास गिबोन, गेबा, आलेमेथ आणि अनाथोथ ही सर्व त्यांच्या शिवारासह. त्यांच्या घराण्यांची एकंदर सगळी नगरे तेरा होती.

⁶¹ अवशिष्ट राहिलेल्या कोहाथी वंशजास चिठ्ठ्या टाकून मनश्शेहच्या अर्ध्या वंशजाच्या प्रदेशातून दहा नगरे दिली.

⁶² गेर्षोम वंशजास त्यांच्या पितृकुळाप्रमाणे इस्साखार, आशेर, नफताली व बाशानात राहणाऱ्या मनश्शेह वंशाची तेरा नगरे दिली.

⁶³ मरारी वंशजास चिठ्ठ्या टाकून त्यांच्या पितृकुळाप्रमाणे रऊबेन, गाद व जबुलून या गोत्रांच्या प्रदेशातून बारा नगरे दिली.

⁶⁴ इस्राएली लोकांनी लेवी वंशजास ही नगरे त्यांच्या शिवारांसहित दिली.

⁶⁵ त्यांनी यहूदाह, शिमओन व बिन्यामीन या वंशांमधून चिठ्ठ्या टाकून आधी उल्लेख केलेली नगरे दिली.

⁶⁶ एफ्राईम वंशजाने कोहाथ पितृकुळाला जी नगरे त्यांच्या शिवारांसहित दिली ती ही:

⁶⁷ एफ्राईमच्या डोंगराळ प्रदेशातील नगर शेखेम (शरणपूर) व त्याचे शिवार, तसेच गेजेर व त्याचे शिवार,

⁶⁸ योकमेअम, बेथ-होरोन,

⁶⁹ अय्यालोन, गथ-रिम्मोन हे सर्व त्यांच्या शिवारासह.

⁷⁰ तसेच मनश्शेहच्या अर्ध्या गोत्रातून आनेर आणि बिलाम, त्यांच्या शिवारासह. ही कोहाथी पितृकुळातील अवशिष्ट वंशजास दिली.

⁷¹ गेर्षोमाच्या वंशजास जी नगरे मिळाली ती ही: मनश्शेहच्या अर्ध्या गोत्रातून बाशानातले गोलान व अष्टारोथ त्यांच्या शिवारासह;

⁷² इस्साखारच्या गोत्रातून केदेश व दाबरथ,

⁷³ रामोथ व त्याचे शिवार आणि आनेम व त्याचे शिवार ही दिली;

⁷⁴ आशेरच्या गोत्रातून माशाल व त्याचे शिवार, अब्दोन व त्याचे शिवार,

⁷⁵ हुक्कोक व त्याचे शिवार आणि रहोब व त्याचे शिवार ही दिली;

⁷⁶ नफताली गोत्रातून गालीलातील केदेश व त्याचे शिवार, हम्मोन व त्याचे शिवार आणि किर्याथाईम व त्याचे शिवार ही दिली.

⁷⁷ लेवीच्या बाकी लोकांना म्हणजे मरारी वंशजास जी शहरे दिली ती ही: जबुलूनाच्या गोत्रातून रिम्मोनो आणि ताबोर त्यांच्या शिवारासह;

⁷⁸ यार्देनेपलीकडे यरीहोजवळ, यार्देनेच्या पूर्वथडीस रऊबेन गोत्रातून रानातले बेसेर व त्याचे शिवार, याहसाह व त्याचे शिवार,

⁷⁹ केदेमोथ व त्याचे शिवार आणि मेफाथ व त्याचे शिवार ही दिली;

⁸⁰ आणि गाद गोत्रातून गिलआदी रामोथ व त्याचे शिवार, महनाईम व त्याचे शिवार,

⁸¹ हेशबोन व त्याचे शिवार आणि याजेर व त्याचे शिवार ही दिली.