१ इतिहास 3 - पवित्रशास्त्र मराठी समकालीन आवृत्ती

दावीदाचे पुत्र

¹ हेब्रोन येथे जन्मलेले दावीदाचे पुत्र: दावीदाचा ज्येष्ठपुत्र अम्नोन. दावीदाला तो येज्रीली अहीनोअमपासून झाला. दावीदाचा दुसरा पुत्र दानीएल. त्याच्या आईचे नाव अबीगईल असे असून ती कर्मेलची होती.

² तिसरा पुत्र अबशालोम हा गशूरचा राजा तलमयची कन्या माकाहपासून झाला. चौथा पुत्र अदोनियाह हग्गीथपासून जन्मला.

³ पाचवा पुत्र शफाट्याह अबीटालपासून झाला. सहावा पुत्र इथ्रियामची पत्नी एग्लाहपासून झाला.

⁴ हेब्रोन येथे जन्मलेले दावीदाचे हे सहा पुत्र होते; तिथे त्याने सात वर्षे सहा महिने राज्य केले. यरुशलेममध्ये दावीदाने तेहतीस वर्षे राज्य केले.

⁵ यरुशलेममध्ये त्याला जे पुत्र झाले ते हे: शम्मुआ, शोबाब, नाथान, शलोमोन हे चार अम्मीएलाची कन्या बथशेबा हिच्यापासून झाले.

⁶ नंतर इभार, एलीशुआ, एलिफेलेत.

⁷ नोगा, नेफेग, याफीय,

⁸ एलीशामा, एलयादा व एलिफेलेत हे सुद्धा झाले; असे एकूण नऊ पुत्र होते.

⁹ या यादीमध्ये त्याला त्याच्या उपपत्नींपासून झालेल्या पुत्रांचा समावेश केलेला नाही. दावीदाला तामार नावाची एक कन्याही होती.

यहूदीयाचे राजे

¹⁰ शलोमोनचा पुत्र रेहोबोअम, त्याचा पुत्र अबीयाह, त्याचा पुत्र आसा, त्याचा पुत्र यहोशाफाट,

¹¹ त्याचा पुत्र यहोराम, त्याचा पुत्र अहज्याह, त्याचा पुत्र योआश,

¹² त्याचा पुत्र अमस्याह, त्याचा पुत्र अजर्‍याह, त्याचा पुत्र योथाम,

¹³ त्याचा पुत्र आहाज, त्याचा पुत्र हिज्कीयाह, त्याचा पुत्र मनश्शेह,

¹⁴ त्याचा पुत्र आमोन, त्याचा पुत्र योशीयाह.

¹⁵ योशीयाहचे पुत्र: ज्येष्ठ योहानान, दुसरा यहोयाकीम, तिसरा सिद्कीयाह, व चौथा शल्लूम.

¹⁶ यहोयाकीमाचे पुत्र: यकोन्याह, व सिद्कीयाह.

बंदिवासात गेल्यानंतरचे राजघराणे

¹⁷ बंदी झालेले यकोन्याहचे पुत्र: शल्तीएल,

¹⁸ मल्कीराम, पदायाह, शेनस्सर, यकम्याह, होशामा व नेदब्याह.

¹⁹ पदायाहचे पुत्र: जरूब्बाबेल व शिमी. जरूब्बाबेलाचे पुत्र: मशुल्लाम, हनन्याह. त्याच्या कन्येचे नाव शेलोमीथ.

²⁰ त्या शिवाय आणखी पाच पुत्र होते: हशूबाह, ओहेल, बेरेख्याह, हसद्याह व यूशाब-हेसेद.

²¹ हनन्याहचे पुत्र: पेलतियाह व यशायाह. यशायाहचा पुत्र रफायाह. रफायाहचा पुत्र नाव अर्णान. अर्णानला ओबद्याह हा झाला. ओबद्याहचा पुत्र शखन्याह.

²² शखन्याहचे वंशज: शमायाह आणि त्याचे पुत्र: हट्टूश, इगाल, बारीहा, निरय्याह व शाफाट; एकूण सहा पुत्र.

²³ निरय्याहचे पुत्र: एलिओएनाइ, हिज्कीयाह व अज्रीकाम, एकूण तीन पुत्र.

²⁴ एलिओएनाइ याचे पुत्र: होदव्याह, एल्याशीब, पेलतियाह, अक्कूब, योहानान, दलायाह व अनानी; एकूण सात पुत्र.