१ इतिहास 2 - पवित्रशास्त्र मराठी समकालीन आवृत्ती

इस्राएलचे पुत्र

¹ इस्राएलचे पुत्र: रऊबेन, शिमओन, लेवी, यहूदाह, इस्साखार व जबुलून,

² दान, योसेफ, बिन्यामीन, नफताली, गाद व आशेर.

यहूदा हेस्रोनाचे पुत्र

³ यहूदाहचे पुत्र: एर, ओनान व शेलाह. हे तिघे कनानी बथ-शूवा हिच्या पोटी त्यास झाले. (यहूदाहचा ज्येष्ठपुत्र एर हा याहवेहच्या दृष्टीने दुष्ट असल्यामुळे त्यास याहवेहनी जिवे मारले.)

⁴ यहूदाहची सून तामारपासून त्याला पेरेस व जेरह हे पुत्र झाले; यहूदाहास एकंदर पाच पुत्र झाले.

⁵ पेरेसाचे पुत्र: हेस्रोन व हामूल.

⁶ जेरहाचे पुत्र: जिम्री, एथान, हेमान, कल्कोल व दारा; असे एकंदर पाच पुत्र होते.

⁷ कर्मीचा पुत्र: आखार, ज्याने अविश्वासूपणे मूर्तीस समर्पित वस्तूंची चोरी करून आपल्या इस्राएली राष्ट्रास क्लेश दिला.

⁸ एथानाचा पुत्र: अजर्‍याह.

⁹ हेस्रोनास झालेले पुत्र: यरहमेल, राम व केलूबाइ.

हेस्रोनचा पुत्र राम पासून

¹⁰ रामास अम्मीनादाब झाला, आणि अम्मीनादाबास यहूदाह वंशाचा सरदार नहशोन हा झाला.

¹¹ नहशोनाला सल्मा व सल्माला बवाज हा झाला;

¹² बवाजाला ओबेद झाला व ओबेदाला इशाय झाला.

¹³ इशायाचे पुत्र: ज्येष्ठपुत्र एलियाब, दुसरा अबीनादाब, तिसरा शिमिआ,

¹⁴ चवथा नथानेल, पाचवा रद्दाय,

¹⁵ सहावा ओसेम, व सातवा दावीद हे होते.

¹⁶ त्यांच्या बहिणी सरुवा व अबीगईल. जेरुइयाहचे अबीशाई, योआब व असाहेल असे तिघे पुत्र होते.

¹⁷ अबीगईलला अमासा झाला, अमासाचा पिता इश्माएली येथेर होता.

हेस्रोनचा पुत्र कालेब

¹⁸ हेस्रोनचा पुत्र कालेबास त्याच्या पत्नी अजूबा (व यरियोथ) यांच्यापासून संतती झाली. अजुबाहचे पुत्र: येशेर, शोबाब व अर्दोन.

¹⁹ अजुबाहच्या मृत्यूनंतर कालेबाने एफ्राथेशी विवाह केला. तिच्या पोटी त्यास हूर झाला.

²⁰ हूरास उरी झाला व उरीस बसालेल झाला.

²¹ नंतर हेस्रोन साठ वर्षांचा असता त्याने गिलआदाचा पिता माखीरच्या कन्येशी विवाह केला व तिच्याशी केलेल्या प्रीतीसंबंधाने त्यास सगूब हा झाला.

²² सगूबास याईर झाला, याईराने गिलआद प्रांतात तेवीस शहरांचे नियंत्रण केले.

²³ (पण गशूर व अराम यांनी हव्योथ याईर व केनाथ आणि त्यांच्या आसपासची गावे अशी एकंदर साठ नगरे हस्तगत केली.) गिलआदाचा पिता माखीरची ही संतती होय.

²⁴ हेस्रोन कालेब एफ्राथ येथे मृत्यू पावल्यावर त्याची पत्नी अबीयाहच्या पोटी त्याला तकोवाचा पिता अश्हूर हा झाला.

हेस्रोनाचा ज्येष्ठपुत्र यरहमेल

²⁵ हेस्रोनाचा ज्येष्ठपुत्र यरहमेल याचे पुत्र: ज्येष्ठपुत्र राम, बुना, ओरेन ओसेम व अहीयाह.

²⁶ यरहमेलाची अटाराह नावाची दुसरी एक पत्नी होती. ती ओनामची आई होती.

²⁷ यरहमेलाचा ज्येष्ठपुत्र रामचे पुत्र: मास, यामीन व एकर.

²⁸ ओनामाचे पुत्र: शम्मय व यादा. शम्मयाचे पुत्र: नादाब व अबीशूर.

²⁹ अबीशूराच्या पत्नीचे नाव अबीहाईल होते. तिच्या पोटी त्यास अहबान व मोलीद हे झाले.

³⁰ नादाबाचे पुत्र: सलेद व अप्पईम. सलेद हा पुत्रहीन मेला.

³¹ अप्पईमचा पुत्र: इशी. इशीला शेशान हा झाला व शेशानाला अहलाय झाला.

³² शम्मयाचा भाऊ यादायाचे पुत्र: येथेर व योनाथान. येथेर हा पुत्रहीन मेला.

³³ योनाथानचे पुत्र: पेलेथ व जाजा. ही यरहमेलाची संतती होती.

³⁴ शेशानास पुत्र नव्हते, मात्र कन्या होत्या. त्याचा यरहा नावाचा एक इजिप्त येथील सेवक होता.

³⁵ शेशानाने आपली कन्या, आपला सेवक यरहास दिली; तिच्या पोटी त्यास अत्ताय झाला.

³⁶ अत्तायास नाथान, नाथानास जाबाद,

³⁷ जाबादास एफलाल, एफलालास ओबेद,

³⁸ ओबेदास येहू, येहूस अजर्‍याह,

³⁹ अजर्‍याहास हेलेस, हेलेसाला एलीयासाह,

⁴⁰ एलीयासाहला सिस्माय, सिस्मायास शल्लूम,

⁴¹ शल्लूमास यकम्याह, आणि यकम्याहास एलीशामा झाला.

कालेबाचे कूळ

⁴² यरहमेलाचा भाऊ कालेबचे पुत्र: ज्येष्ठपुत्र मेशा जीफाचा पिता होता, मेशा जिफचा पिता होता आणि त्याचा पुत्र मारेशाह हा हेब्रोनचा पिता होता.

⁴³ हेब्रोनाचे पुत्र: कोरह, तप्पूआह, रेकेम व शमा.

⁴⁴ शमास रहम झाला. तो यर्कामाचा पिता होता. रेकेमास शम्मय हा झाला.

⁴⁵ शम्मयाचा पुत्र मावोन, माओन हा बेथ-सूराचा पिता होता.

⁴⁶ कालेबाची उपपत्नी एफाहला हारान, मोसा व गाजेज झाले. हारानास गाजेज झाला.

⁴⁷ यादायाचे पुत्र: रेगेम, योथाम, गेशान, पेलेट, एफाह व शाफ.

⁴⁸ कालेबाची उपपत्नी माकाहला शेबेर व तिर्‍हना हे झाले.

⁴⁹ याशिवाय तिला मदमन्नाहचा पिता शाफ, आणि मखबेना व गिबियाह यांचा पिता शेवा हे झाले; कालेबाची कन्या अक्साह होती.

⁵⁰ ही कालेबाची संतती होय. एफ्राथेचा ज्येष्ठपुत्र हूरचे पुत्र: शोबाल हा किर्याथ-यआरीमाचा पिता होता.

⁵¹ सल्मा बेथलेहेमाचा पिता होता. हारेफ हा बेथ-गादेराचा पिता होता.

⁵² किर्याथ-यआरीमाच्या पिता शोबालचे वंशज: हारोवेह व अर्धे मेनुहोथवासी.

⁵³ किर्याथ-यआरीम याची कुळे: इथ्री, पूथी, शुमाथी व मिश्राई. यांच्यापासून सोराथी व एष्टाबुली ही कुळे निघाली.

⁵⁴ सल्माचे वंशज: बेथलेहेम, नटोफाथी, अटरोथ-बेथ-योआब आणि अर्धे मानाहथी, सोरी,

⁵⁵ आणि याबेस येथे राहणारी सोफारी कुळे: तिराथी, शिमाथी व सुकाथी. रेखाब घराण्याचा मूळ पुरुष हम्मथच्या वंशातील ही केनी कुळे होती.