Godigo Nogi Ugwaba Sabo Tęąbi Po Wabo Buku Dabe 134 - Godigo dwagi yai po buku

Dago te God nogi ugwaba sao

¹ Dage Genuai Bidigo sę bidi tigidali, te agai tedali wiegi yai tempel bede te hulide sę ebo da, dagego agai nogi ugwaba siąo.

² Dagego te tempel be tomode gedu haluasa po bomo elama weyu, tama Genuai Bidigo nogi ugwaba sao.

³ Genuai Bidigo te dagalu me tǫ nigali, tama te Saionde bidiyu, eno homugo agai dage dali wiegi yai sę emainao.