Godigo Nogi Ugwaba Sabo Tęąbi Po Wabo Buku Dabe 133 - Godigo dwagi yai po buku

Augwaligo te ama wei ebo kolesagade pemene yali

¹ Te Godigo we bidi dabe deliba bugagia dugulalu, tama te deli haliga elama, te ama dabe tiwai mu elama bidiyu ebaso da, te wiegi yai mu dao, tama augwa bugai haliga elama bidimainu yao.

² Te kolesaga te oliv ni dugo te wiegi yai wel tiwai ebao, augwaligo te Arongo toboluba gelama, tama te naboge tobolu nisiba dulama, tama aga bobage gudali ugwa sabiba usu nugulali.

³ Te deli haliga ebo kolesaga te hulide genuai wę segeni te Hermon bulu duba, me te Saion bulu du dabeba tulalubo tiwai ebao. Te bulude Genuai Bidigo te bidi dabe bugagia mu te deli haliga elama, bidimainu ebo dao. Agai augwaliba te bugagia mu bidada peyu, bidada pabo ula augwaliba mawaiba.