Godigo Nogi Ugwaba Sabo Tęąbi Po Wabo Buku Dabe 122 - Godigo dwagi yai po buku

Te Jerusalemba wiegi yai pemene eyu wabo tęąbi po dao

¹ Augwaligo enabolo walali, “Iya, tegoba, da te Genuai Bidigo beba pinao.” Augwaligo te tiwai po obaso, te ena bugai haliga mu yalio.

² Tialima, megi da, da sabolama, tama te Jerusalem bagulali obo tomode dolalubao.

³ Augwaligo te Jerusalem ma nigilama, tama te wiegi yai mu dodolama elalubao.

⁴ Te Israel hani dabe teba aselama, te Genuai Bidiba puba hwi po wagasobo dao, te polobadu agai augwaliba wali po tiwai gilama ebo dao.

⁵ Te pesagede te po tų ebo be elalubao, tama Israel king dabego te we bidigo po tų odolama, tama po dodoliyu ebo dao.

⁶ Dagego te gedu haluasa po waiyąo, te Jerusalem dabe bugagia dugulalumainogo yao. Dagego te tiwai gedu haluasa po waiyąo, “Te Jerusalem wei ebo we bidi dabe augwa bugagia bidimainao.

⁷ Te Jerusalem obo tomode bidibo we bidi dabe augwa te bugagia dugulalu, te hwįbo menia somainao. Tama king dali, te tobolu bidi dabe me, te bugagia dugulalumainao,” wao.

⁸ Eno te abagi me hai namu homu koneama, tama eno te tiwai po Jerusalemba obao, “Eno homugo naga te bugagia bidiyu, tama te hwįbo meni yaibao.”

⁹ Eno te dena Genuai Bidi, Godigo beba homu kone paliyu, tama eno te gedu haluasa po obao, te nago tigidali nai te bugagia mu pedalumainao.