Godigo Nogi Ugwaba Sabo Tęąbi Po Wabo Buku Dabe 120 - Godigo dwagi yai po buku

Bidigo te Godigo aga tau somainu, gedu haluasa po wai

¹ Te sęgę enaba pedalubo sogo, eno te Genuai Bidiba i wali, tama agai eno gedu haluasa po odoyu, tama wei ponani.

² Eno gedu haluasa po te tiwai wali, “Genuai Bidi, ena tau sao. Tiyu, te tibo po wabo bidi dabego ena dolidalio,” wali.

³ Dage tibo po wabo bidi dabe da, Godigo mena sę dageba egowe? Agai dageba te magi dene mawaibawe?

⁴ Te agai dage te ami bidi dabego poa pai enego enaibao, tama posolai sia te dage tigiba gea palaibao.

⁵ Ena dage tomode dwai dugulalu, tama te ena te bulu Mesek, me te Kedar dabe tomode dwai dugulaluali tobage tiwai ebao.

⁶ Ena te gasa we bidi dabe dali bugagia wei elama dugulalu, te sesabi elama dugulaluama bidabo tiwai ebeo.

⁷ Te eno augwali bugagia dugaya wabo sogo, augwaligo hwįainu naga yai dao.