Godigo Nogi Ugwaba Sabo Tęąbi Po Wabo Buku Dabe 114 - Godigo dwagi yai po buku

Pasovago tęąbi po e dao

¹ Polobadu Israel dabego te Isip tagalama pelawalio. Te Jekopgo hani dabego te gasa hani dabego bulu taga soai dao.

² Te augwaligo tama tiali sogo, te Juda te Genuai Bidigo tedali gasagi yai hani bage pedaliyu, te Israel dabe me tama tiali.

³ Te nosa elalubo tamu ąį agai te tonono elama, tama wi palio, tama te wę Jordan dolalu, tama te wę ma soabeo.

⁴ Te genuai bulu du dabe te meme sasa mano pelabo tiwai eyu, tama te dwasianu bulu du dabe te sipsip dabe sasa mano pelabo tiwai yalio.

⁵ Tamu ąį, magi nai pedalubaso, nage wi paliwe? Jordan wę, magi baso tama nage ma soabewe?

⁶ Te bulu du dabe, magi baso dage te meme sasa mano pelabo tiwai ebawe? Te dwasianu bulu du dabe, magi baso dage te sipsip sasa mano pelabo tiwai ebawe?

⁷ Tǫ, megi da Genuai Bidi asobaso, tama nage mumunu yao. Te Jekopgo God asalio, tama nage mumunu yao.

⁸ Agai te masigigo ulu wę pedalumainu ilali, tama te bulu du masigigo te genuai soabo wę pedalubo dao.