Jopgo Po Asęani Elalubo Buku 25 - Godigo dwagi yai po buku

Bildatgo sela wabo po wali (Dąį 25) Godigo gedude da bidi olo nai tiwai dao

¹ Jopgo po ola silibo si, te Bildat te bulu Suha bidigo po wei ponoyu, e tama wali.

² “Godigo genuai bomo elaluyu, agai tigidali nai tonalubo. Agai tigidali nai dabe noma selama, wi emainu ebo dao. Tama agai dagalude elalubo nai dabe dua bugagia bidimainu ebo dao.

³ Te dagalude ami bidi hauwa mu, tama bidigo nedebo usu egobeo. Tama Godigo ula tigidali we bidibolo mabo dao.

⁴ Mena tama da tǫde bidi doloba pelama, Godigo gedude meda meni yai pedalaibawe?

⁵ Dago polua ula genuai subo dao. Tiali goli, Godigo gedude da, te dwasianunu mu dao. Tama hǫ dabe me agai gedude dwagi yai menio.

⁶ Te mu tama, da bidi agai gedude doloba pai menio. Da te tǫde dwasianu sawi tiwai dao. Da te olo nai osogane tiwai naga dao,” Bildatgo te po wai.