Zozuwe 15 - WẼNNAAM SEBRE 2014

Zĩis ning b sẽn kõ Zʋʋda nebã

¹ Pʋɩɩr ning Zʋʋda buudã sẽn paam wa sẽn zems b rotã toadg sɩngda Edom, n teesd Sĩn we-raoogã sẽnẽ, n tat wĩntoog sẽn lʋɩtẽ.

² Bãmb soolmã toadg sẽn be goabgã sɩngda ne yamsem ko-kãsengã, a sɩlengã zĩigẽ n be Negɛɛv nen-taoore.

³ A tall n taa Akrabim rʋʋdgã n pɩʋʋgd Sĩn we-raoogã, n dabd Kadɛɛs-Barneya goabga. A rag n tũuda Hɛsron n teesd Adaar sẽnẽ, n wẽnemd n dabd Karka.

⁴ A lebg n tũu Asmon n tɩ ta Ezɩpt ko-soogã, woto, toadgã teegda ko-kãsengã, la goabgã n na n yɩ yãmb toadga.

⁵ Yaangã, toadgã sɩnga ne yamsem ko-kãsengã n tall n tɩ tãag Zʋrdẽ kʋɩlgã kɩreng ning sẽn zoet n kẽed yamsem ko-kãsengã pʋgã. La rɩtg toadgã sɩnga ne ko-kãsengã sɩlengã zĩig sẽn teeg Zʋrdẽ kʋɩlgã satmẽ wã.

⁶ Toadgã tall n tɩ tãaga Bɛt-Holga sẽnẽ, n yit Bɛt-Arba rɩtgã n zẽk n tɩ tãag a Rubɛn yageng a Bohã kugrã,

⁷ la toadgã kell n tũu Debɩɩr n yegl Akoor longã sẽn be rɩtgã n teesd Gilgall sẽnẽ, n kell n get Adumim rʋʋdgã sẽn be ko-soogã goabgã. A yegda Ɛn-Semees ko-bundmã, n tɩ tãag Ɛn-Rogɛlle.

⁸ Toadgã tũuda Bɛn-Hinom longã n yegd Zebuus ning b sẽn boond rũndã tɩ Zeruzalɛmã goabga, n zẽk n dʋʋd tãngã sẽn be Hinom longã neng taoorã, n be nin-taoorã, la a yaa Refayim dãmbã longã goabga.

⁹ Toadgã yita tãngã zug n sigd n dabd Neftoa ko-bundmã, n kell n teesd tẽms nins sẽn be Efron tãngã sẽnẽ wã, n tũud Baala sẽn yaa Kiryat-Yeyarima.

¹⁰ Toadgã yii Baala n wẽnemd n tees nin-taoore, Seyɩɩr tãngã sẽnẽ, n yegd weoogã tãms goabg sẽn yaa Kesalõ wã, n sigd n dabd Bɛt-Semeese, n tũud Timna.

¹¹ Toadgã kell n tãaga Ekron kɩrengã, rɩtgo, n kell n sigd n dabd Sɩkeron sẽnẽ, n tũud Baala tãngã zugu, n tɩ tãag Yabneyɛlle, n yek ko-kãsengã.

¹² Nin-taoor toadgã sɩngda ne ko-kãsengã ne a kɩremsã. Tod-bãmbã fãa yaa Zʋʋda nebã soolem todse, wa sẽn zems b rotã.

A Kalɛɛb tõoga Ebrõ ne Debɩɩre

¹³ B kõo a Yefune biig a Kalɛɛb zĩig a Zʋʋda kambã sʋka, wa sẽn zems Sẽn-Ka-Saab sẽn dag n yeel a Zozoe wã. Yaa Kiryat-Arba sẽn yaa Ebrõ wã. A Arba rag n yaa a Anak ba.

¹⁴ A Kalɛɛb riga a Anak kamb a tãabã n yiis beenẽ: yaa Sekayi, Ayimande ne a Talmayi, b fãa yaa a Anak kamba.

¹⁵ A Kalɛɛb yii be n tɩ zab ne Debɩɩr nebã. B rag n boonda Debɩɩr tẽngã tɩ Kiryat-Sefɛɛre.

¹⁶ A Kalɛɛb yeelame yaa: «Ned ning sẽn na n tõog n zab n deeg Kiryat-Sefɛɛr tẽngã, mam na n dɩka m bi-pugl a Aksa n kõ-a t'a maan a paga.»

¹⁷ A Otniyɛll sẽn yaa a Kenaaz biigã, n yaa a Kalɛɛb ba-biigã zab n deega Kiryat-Sefɛɛre. Dẽ, a Kalɛɛb rɩka a bi-pugl a Aksa n kõ-a t'a maan a paga.

¹⁸ A Aksa sẽn ta a Otniyɛll yirã, a pirsa a sɩdã t'a kos a ba a Kalɛɛb pʋʋgo. Pagã siga a boangã zugu, la a Kalɛɛb sok-a lame tɩ yaa a wãna?

¹⁹ A leokame n yeele: «M nong n kos-y-la bũmbu, bala, yãmb sẽn kõ maam zĩig ningã yaa Negɛɛv tẽn-koɛɛngã. Bɩ y kõ-m ko-bunds zĩis me.» Dẽ, a Kalɛɛb kõo yẽnda ko-bunds zĩis nins sẽn be hal taoorã ne sẽn be-b yambẽ wã.

²⁰ Woto n yɩ Zʋʋda buudã pʋɩɩr wa sẽn zems b rotã.

Zʋʋda tẽmsã la woto

²¹ Yaa tẽms nins sẽn be Zʋʋda yagensã soolmã satmẽ wã, sẽn dabd Edom toadgã sẽnẽ sẽn be Negɛɛvã: Kabseyɛlle, Edɛɛre, Yagʋʋre,

²² n paas Kina ne Dimona la Adaada,

²³ n paas Kedɛɛs-Hatsoore, Itãne,

²⁴ Zɩfe, Telɛm, Beyalote,

²⁵ Hatsoor-Hadata, Keriyot-Hɛtsron sẽn yaa Hatsoorã,

²⁶ Amam, Sema, Molaada,

²⁷ Hatsaar-Gaada Hɛsmon, Bɛt-Palɛte,

²⁸ Hatsaar-Suwalle, Bɛɛr-Seba, Biziyotiya,

²⁹ Baala, Iyim, Atsɛm,

³⁰ Ɛltolaade, Kesɩlle, Horma,

³¹ Siklaage, Madmana, Sãnsãna,

³² Lebawote, Silim, Ayin ne Rimon. Tẽmsã fãa sõor yaa pisi la a wɛ ne b tẽn-kɩremse.

³³ Tẽms nins sẽn be-b kunkubã sʋkã la woto: Yaa Ɛstaolle, Soreya, Akna,

³⁴ Zanoa, En-Ganim, Tapuwa, Enam,

³⁵ Yarmuti, Adulam, Soko, Azeka,

³⁶ Saarayim, Aditayim, Gedeera ne Gederotayim. Yaa tẽms piig la a naas ne b tẽn-kɩremse.

³⁷ Senan, Hadasa, Migdall-Gaade.

³⁸ Dileyan, Mitspe, Yokteyɛlle,

³⁹ Lakɩɩse, Botskate, Ɛglõn,

⁴⁰ Kabon, Lakmaase, Kitliisi,

⁴¹ Gederote, Bɛt-Dagon, Naama ne Makeda. Yaa tẽms piig la a yoobe, ne b tẽn-kɩremse.

⁴² Libna, Etɛɛre, Aaza,

⁴³ Yifta, Asna, Netsɩɩbe,

⁴⁴ Keyila, Akziib ne Maresa. Yaa tẽms a wɛ ne b tẽn-kɩremse.

⁴⁵ Ekron sẽn so tẽms ninsã ne b tẽn-kɩremse,

⁴⁶ yaa sẽn sɩng Ekron a nin-taoorã, la tẽms nins fãa sẽn pẽ Asdoodã ne b tẽn-kɩremsã.

⁴⁷ Asdoode, ne tẽms nins yẽnda sẽn so wã ne b tẽn-kɩremse, Gaaza ne a sẽn so wã, ne b tẽn-kɩremse, hal n tɩ tãag Ezɩpt ko-soogã, la ko-kãsengã ne a kɩrengã.

⁴⁸ Tẽms nins sẽn be tãmsã sʋkã yaa: Samiiri, Yatɩɩre, Soko,

⁴⁹ Dana, Kiryat-Sana sẽn yaa Debɩɩrã,

⁵⁰ Anaabe, Ɛstemo, Anim,

⁵¹ Gosɛn, Holon Gɩdo. Yaa tẽms piig la a yembr ne b tẽn-kɩremse.

⁵² Araabe, Duma, Eseyãn,

⁵³ Yanum, Bɛt-Tapuwa, Afɛka,

⁵⁴ Humeta, Kiryat-Arba sẽn yaa Ebrõ ne Siyoore. Yaa tẽms a wɛ ne b tẽn-kɩremse.

⁵⁵ Mawon, Karmelle, Zɩfe, Yuta,

⁵⁶ Zizreyɛlle, Yokdeyam, Zanoa,

⁵⁷ Kayin, Gibeya ne Timna. Yaa tẽms piig ne b tẽn-kɩremse.

⁵⁸ Halulli, Bɛt-Sʋʋre, Gedoore,

⁵⁹ Maarate, Bɛt-Anot ne Ɛltekon. Yaa tẽms a yoob ne b tẽn-kɩremse.

⁶⁰ Kiryat-Baall sẽn yaa Kiryat-Yeyarim ne Raba, yaa tẽms a yiib ne b tẽn-kɩremse.

⁶¹ Tẽms nins sẽn dag n be weoogã pʋgẽ wã la woto: Yaa Bɛt-Araba, Medin, Sekaka,

⁶² Nibsan, Ir-Hamela ne Ɛn-Gedi, yaa tẽms a yoob ne b tẽn-kɩremse.

⁶³ Zʋʋda kambã ka tõog n dees Zebuus-rãmbã sẽn be Zeruzalɛmã tẽms ye. Dẽ, Zebuus-rãmbã kell n paa Zeruzalɛm ne Zʋʋda nebã hal tɩ ta rũndã.