Yɩɩn‑sõamyã 95 - WẼNNAAM SEBRE 2014

Wẽnnaam pẽgr la b waoogr yɩɩlle

¹ Wa-y tɩ d kaas ne sũ-noog Sẽn-Ka-Saab yĩnga! D zẽk d koees n pẽg pĩigã sẽn yaa d fãagdã.

² D kẽng bãmb taoor ne bark pʋʋsgo. D zẽk d koees n yɩɩl n pẽg bãmba.

³ Bala, Sẽn-Ka-Saab yaa Wẽnnaam-kãsenga, b yaa rĩm-kãseng n yɩɩd wẽnnaam-dãmbã fãa.

⁴ Dũniyã zĩ-zulumsã fãa bee bãmb nugẽ, la tãmsã yaa bãmb n so.

⁵ Ko-kãsengã yaa bãmb dẽnda, bãmb n naan-a. Tẽn-gãongã yaa bãmb nus n naane.

⁶ Wa-y tɩ d sulgi, n wõgemde, n yĩgimd d rũmã zut Sẽn-Ka-Saab sẽn yaa tõnd naandã taoore.

⁷ Bala, b yaa tõnd Wẽnnaam, la tõnd yaa bãmb neb b sẽn dɩlgde, n yaa piis bãmb nugã sẽn kogenda. Kelg-y bãmb koɛɛgã rũndã sẽn yeta:

^8-9 «Ra-y keng-y y sũyã wa y yaab-rãmbã sẽn dag n yãnd mam tʋʋmã we-raoogã pʋgẽ, Meriba ne Masa n mak maam n bao mam noorã ye.

¹⁰ Yʋʋm pis-naas pʋgẽ, zamaan-kãngã nebã maaname tɩ mam yam yi-ba. La mam yeelame: ‹Nin-bãmbã yamã menemame, tɩ b ka tol n mi mam datmã ye.› »

¹¹ Dẽ, mam sũ-yikrã pʋga, mam wẽename n yeele: «Nin-bãmbã kõn kẽ vʋʋsg tẽng ning mam sẽn segl b yĩngã pʋgẽ ye!»