Yɩɩn‑sõamyã 82 - WẼNNAAM SEBRE 2014

Bʋʋd sẽn yaa kegr yelle

1 A Azaf yɩɩlle.

¹ A Azaf yɩɩlle. Wẽnnaam bee b nebã sʋka, la b bee wẽnnaam-dãmbã sʋk n yaa bʋ-kaooda.

² Yãmb na n kaoo bʋʋdã kɛga, la y bʋ n sõng nin-wẽnsã tɩ ta dabʋre?

³ Kao-y ka-pãng soab ne kɩɩb bʋʋd tɩrga, la y kao nimbãan-ned ne naong soab bʋʋd tɩrga,

⁴ Sõng-y ka-pãng soabã ne naong soabã tɩ b põse, fãag-y-b nin-wẽns nugẽ.

⁵ Bãmb ka tar bãngre, b ka tar yam ye. Bãmb kẽnda lik bida pʋgẽ. La tẽn-gãongã yẽbgr fãa rigimdame.

⁶ Mam dag n yeelame: Yãmb yaa wẽnnaam-dãmbã, yãmb fãa yaa Sẽn-Ka-To kamba.

⁷ La baoosgo, yãmb me na n kii wa ninsaalbã, yãmb na n lʋɩɩ wa nanambs a taabã.

⁸ Mam Wẽnnaam, yik-y n kao-y dũniyã bʋʋdo! Bala, soolem-dãmbã fãa yaa yãmb n so.