Yɩɩn‑sõamyã 8 - WẼNNAAM SEBRE 2014

Wẽnnaam ziiri, b naanegã pʋga

¹ A Davɩɩd yɩɩlle, yɩɩlã naab yĩnga. Yɩɩnda ne pɛndga.

² Sẽn-Ka-Saab sẽn yaa tõnd Zu-soaba, Yãmb yʋʋrã yaa kãseng dũniyã fãa pʋgẽ! Yãmb ziirã zẽk n gãndga saasẽ.

³ Yãmb tũnuga kom-bãoonegã, ne kom-peelsã noy n wilg sẽn zabd-b ne yãmbã y pãng tʋʋmã, la y kɩt tɩ y bɛyã sẽn dat n dok a sũurã noor mume.

⁴ Mam sã n get saasã sẽn yaa yãmb nus tʋʋmã, la m get kiuugã ne ãdsã yãmb sẽn ning-b b zĩisẽ wã.

⁵ Mam sokda m meng yaa: «Ninsaal yõod zema bõe, tɩ yãmb tẽr a yelle? Ninsaal yaa bõe, tɩ yãmb get a yelle?»

⁶ Yãmb naan-a lame, tɩ kellẽ bilfu, t'a yɩẽ wa Wẽnnaam, yãmb kõ-a-la ziir ne waoogre.

⁷ yãmb kɩtame t'a yɩɩd y nugã sẽn naanã fãa, yãmb kɩtame t'a sooge bũmbã fãa:

⁸ Piisã, bʋʋsã ne niigã fãa, la baa ne we-rũmsã,

⁹ bõn-yɩgdɩ wã, ne zĩmã sẽn be ko-kãsengã pʋgẽ wã, la bũmb nins fãa sẽn saagd ko-kãsemsã pʋsẽ wã.

¹⁰ Sẽn-Ka-Saab sẽn yaa tõnd Zu-soaba, yãmb yʋʋrã yaa kãseng dũniyã fãa pʋgẽ!