Yɩɩn‑sõamyã 76 - WẼNNAAM SEBRE 2014

Wẽnnaam la bʋ-kaooda

¹ A Azaf yɩɩlle. Yɩɩnda ne yʋʋm-teed sẽn tar susi. Yaa yɩɩlã naab yĩnga.

² Zʋʋda rãmb mii Wẽnnaam, Wẽnnaam yʋʋrã yaa kãseng Israyɛll pʋga.

³ Wẽnnaam fu-roogã bee Salɛm, La bãmb yir bee Sɩyõ.

⁴ Beenẽ, bãmb kaoo tãbdo, la b sãam gãndo, n kao sʋʋse, n kɩt tɩ zabr sɛ.

⁵ Yãmb pɩndame, n yaa neer n yɩɩda, yãmb yɩɩda tãmsã sẽn ka loogdã.

⁶ B reesa tãb-bi-gãndaadã teed n bas-ba, bãmb gũsa b yaoolem gõeem, Gãnda-kãensã fãa ka tõog n zab n sõng b meng ye.

⁷ A Zakoob Wẽnnaamã sẽn tãsã, wed-rʋʋdbã ne wiidã fãa kii kɩɩmde.

⁸ Yãmb bal n sɩd sek zoeese! Yãmb sũ-yikrã pʋga, ãndã n tõe n yals yãmb taoore?

⁹ Yãmb zĩnda saasẽ n kɩt tɩ b bãng y bʋ-kaoorã. Rabeem kẽe dũniyã t'a zĩnd sɩddd...

¹⁰ Wẽnnaam sẽn yik n kao bʋʋdã, b fãaga dũniyã nin-tals fãa.

¹¹ Baa ninsaalbã sũ-kãbrã na n lebga y pẽgre. La sẽn ket-b sũ-kãbrã pʋgã na n yeelga sũ-sãang fuugu.

¹² Pʋlm-y Sẽn-Ka-Saab sẽn yaa yãmb Wẽnnaamã, la y pids y pʋlengo! Bɩ neb nins fãa sẽn gũbg bãmbã wa ne kũun n wa kõ sẽn sek-a zoeesã!

¹³ Bãmb n sigsd nanambse, Dũniyã rĩm-dãmb rigda ne rabeem bãmb taoore.