Yɩɩn‑sõamyã 58 - WẼNNAAM SEBRE 2014

Ned sẽn kot tɩ b sɩbg nin-wẽnse

¹ A Davɩɩd yɩɩlle, yɩɩlã naab yĩnga. Yɩɩnda wa yɩɩll sẽn boond tɩ «ra sãam ye.»

² Rẽ yĩnga, yãmb sɩddd... wã pʋga tɩrlem bee beenẽ sɩda? Ninsaalb kamba, yãmb kaooda bʋʋdã ne tɩrlem sɩda?

³ Ka woto ye! Yãmb zoe n maanda wẽng y sũyã pʋse. Dũniyã pida ne y nusã tʋʋm-beedã.

⁴ Nin-wẽns wẽnemã sɩnga b ma pʋgẽ, zĩrẽ-be-rãmbã rogem daar la b kẽ moogo.

⁵ Bãmb tara zẽnem wa waaf zẽnem, b wẽnda põeer sẽn yaa wʋng sẽn yẽd a tʋba,

⁶ n ka sakd n maan sẽn belemd-a yẽnda wã ratem ye. Baa ne sẽn mi-a beleng sõama wã.

⁷ Mam Wẽnnaam, bɩ y kao b yẽnã b noyã pʋse! Sẽn-Ka-Saabo, kao-y gɩgem-poalã yɛyã!

⁸ Kɩt-y tɩ b menem wa koom sẽn zoet n loogdẽ! Bɩ Wẽnnaam tão-b ne pɛɛmã, n koms-ba!

⁹ Bɩ bãmb yẽneg n menem wa garweongo, la bɩ b loog n ka yãnd wĩndgã, wa biig sẽn dog kɩɩmd n ka yãnd wĩndgã!

¹⁰ Sẽn deng b gõ-payãndsã sẽn na n lebg tuudu, la b sẽn ket n yaa maas n wẽnd wa b kʋɩɩme wã, seb-raoog n na n loog ne-ba.

¹¹ Nin-tɩrg na n maana sũ-noogo, b sẽn dok a sũur n kõ-a wã yĩnga. Yẽnda na n waasa a nao nin-wẽnsã zɩɩm pʋga.

¹² La ninsaalbã na n yeelame: N-yẽe! Nin-tɩrg na n paama keoore. N-yẽe! Wẽnnaam n be n kaood bʋʋdã dũniyã zugu.