Yɩɩn‑sõamyã 47 - WẼNNAAM SEBRE 2014

Wẽnnaam yaa dũniyã rĩmã

¹ A Koore yagensã yɩɩlle, yɩɩlã naab yĩnga.

² Nebã fãa, wẽ-y nug-pogse! Kaas-y ne sũ-noog n pẽg Wẽnnaam!

³ Bala, Sẽn-Ka-Saab Sẽn-Ka-To seka zoeese. Bãmb yaa dũniyã gill fãa rĩm-kãsenga.

⁴ Bãmb kɩtdame tɩ tõnd soog bu-zẽmse, la b kɩtdẽ tɩ buud a taabã wõgemded tõnd taoore.

⁵ Bãmb n yãk tõnd pʋɩɩr n kõ-do, la b nonga tõnd sẽn yaa a Zakoob yagensã.

⁶ Wẽnnaam watame tɩ b kilsd-ba, b peebda baorg tɩ Sẽn-Ka-Saab kẽnda.

⁷ Yɩɩl-y n pẽg-y Wẽnnaam, yɩɩl-y-yã! Yɩɩl-y n pẽg-y tõnd dĩmã, yɩɩl-y-yã!

⁸ Bala, Wẽnnaam yaa dũniyã fãa rĩmã. Yɩɩl-y yɩɩn-noodo!

⁹ Wẽnnaam n dɩt naam bu-zẽmsã sʋka, Wẽnnaam zaoo b sõmblem naam geere.

¹⁰ Bu-zẽmsã nin-kãsemsã tigimda taab n naag a Abrahaam Wẽnnaamã buudu. Bala, dũniyã gãnd yaa Wẽnnaam n so. Bãmb naamã zẽk n yɩɩda fãa.