Yɩɩn‑sõamyã 43 - WẼNNAAM SEBRE 2014

Ned sẽn kot Wẽnnaam bʋʋm

¹ Mam Wẽnnaam, kao-y m bʋʋdã n kõ-ma, Bɩ y zab ne wẽn-kɩɩsdbã n sõng-ma! Sõng-y maam tɩ m põs zãmb soab ne nin-wẽnga!

² Yãmb a Wẽnnaam la mam pãng zĩiga. Bõe yĩng tɩ yãmb basd maam? Bõe yĩng tɩ y bas tɩ m bɛyã namsd maam tɩ m kẽnd ne sũ-sãanga?

³ Bɩ y tʋm y vẽenemã ne y sɩdã, tɩ b wa tɛ maam n kẽng y tãn-sõngẽ wã, zĩig ning yãmb sẽn beẽ wã!

⁴ Mam na n kẽnga yãmb a Wẽnnaam tẽn-kugrã taoore, Wẽnnaam ning sẽn yaa mam sũ-noogã. Wẽnnaam sẽn yaa mam Wẽnnaam, mam na n wẽe pɛndg n pʋʋs yãmb barka!

⁵ Mam sũuri, bõe yĩng tɩ f bondg n sidgdẽ? Maan tẽeb ne Wẽnnaam, mam na n leb n pʋʋsa bãmb barka, bãmb la mam Wẽnnaam, la m fãagda.