Yɩɩn‑sõamyã 29 - WẼNNAAM SEBRE 2014

Sẽn-Ka-Saab koɛɛga

1 A Davɩɩd yɩɩlle.

¹ A Davɩɩd yɩɩlle. Yãmb a wẽnnaam-dãmb kamba, pẽg-y Sẽn-Ka-Saabo, moon-y Sẽn-Ka-Saab ziirã ne b pãngã!

² Waoog-y Sẽn-Ka-Saab yʋʋrã sẽn tar ziirã! Wõgemd-y Sẽn-Ka-Saab taoore, bãmb sẽn pukd b sõmblmã pʋga!

³ Sẽn-Ka-Saab zẽkda b koɛɛg koomã zugu, Wẽnnaam sẽn pid ne ziirã kɩtame tɩ sa-kelems zĩndi. Sẽn-Ka-Saab bee ko-kãsemsã zutu.

⁴ Sẽn-Ka-Saab koɛɛgã yita ne pãnga, Sẽn-Ka-Saab koɛɛgã yita ne ziiri.

⁵ Sẽn-Ka-Saab koɛɛgã kaooda sɛɛdr tɩɩse, Sẽn-Ka-Saab lubda Libã sɛɛdr tɩɩse.

⁶ Bãmb kɩtdame tɩ Libã tãmsã tirsd wa nag-bila. Bãmb kɩtame tɩ Libã ne Hɛrmo tãmsã tirsd wa we-nag-bi-polle.

⁷ Sẽn-Ka-Saab gomdame tɩ bug-witim tãoosdẽ.

⁸ Sẽn-Ka-Saab koɛɛgã kɩtame tɩ we-raoogã rigimdi. Sẽn-Ka-Saab kɩtdame tɩ Kadɛɛs we-raoogã rigimdi.

⁹ Sẽn-Ka-Saab koɛɛgã kɩtdame tɩ wals rogdẽ, bãmb koɛɛgã vigsda weoog tɩɩse, la bãmb roogã pʋga, nebã fãa yetame: «Reeg-y ziiri!»

¹⁰ Sẽn-Ka-Saab rɩta naam ko-kãsemsã zutu, Sẽn-Ka-Saab yaa rĩm wakat sẽn kõn sa yĩnga.

¹¹ Sẽn-Ka-Saab na n kõ b nebã pãnga. Bãmb na n ninga b nebã barka, n kɩt tɩ b vɩɩmd ne bãane.