Yɩɩn‑sõamyã 2 - WẼNNAAM SEBRE 2014

Rĩm Sẽn-Ka-Saab sẽn yãke

¹ Bõe yĩng tɩ buud toay-toayã wurdẽ? La yaa bõe tɩ nebã tar saag-vɩɩdo?

² Dũniyã rĩm-dãmbã segenda b mens zabr yĩnga, tɩ nanambsã yẽsd ne taab n dat n zab ne Sẽn-Ka-Saabo, la ne Sẽn-Ka-Saab nin-tũusdgã.

³ B yetame: «Wa-y tɩ d kao b bãensã, n fãag d mens ne bãmb loeesã!»

⁴ Sẽn be-a yĩngr n dɩt naamã pusga laado, Zu-soabã laada bãmba.

⁵ Dẽ, b sũ-yikrã pʋgẽ, b goma ne bãmba, la bãmb sũ-puugrã goam kẽes-b-la rabeem.

⁶ Sẽn-Ka-Saab yeelame: «Maam n zĩndg m dĩmã Sɩyõ, m tãn-sõngã zugu.»

⁷ Mam na n moona Sẽn-Ka-Saab noore: «Fo yaa mam bi-ribla! Maam n dog foom dũndã!

⁸ Kos maam, la mam na n kõo foom soolem-dãmb tɩ yɩ f pʋɩɩre, la m kɩt tɩ f soolmã tãag dũniyã tɛk fãa.

⁹ Fo na n sãam-b-la ne kut dasaare, la fo na n wãa bãmb wa yagd laoko.»

¹⁰ Moasã, bɩ yãmb a rĩm-dãmbã paam yam! Dũni bʋ-kaoodba, bas-y tɩ b rems-yã!

¹¹ Tʋm-y n kõ-y Sẽn-Ka-Saab ne waoogre la y maan sũ-noog ne rigbu.

¹² Waoog-y biigã, tɩ b sũurã ra wa yik tɩ b menes-y ye. Bala, bãmb sũurã tõe n yika zĩig pʋgẽ n dɩt wa bugum. La neb nins fãa sẽn paam zĩ-lilldg bãmb nengẽ wã na n paama sũ-noogo.