Yɩɩn‑sõamyã 16 - WẼNNAAM SEBRE 2014

Ned sẽn põs kũum n maand sũ-noogo

1 A Davɩɩd yɩɩlle.

¹ A Davɩɩd yɩɩlle. Mam Wẽnnaam, gũ-y maam, yãmb yaa mam zĩ-soalgdga.

² Mam yeela Sẽn-Ka-Saab yaa: «Yãmb yaa Zu-soaba, yãmb yaa mam sũ-noogo, mam ka tar bũmb sẽn yɩɩd yãmb ye.»

³ Pʋ-peelem dãmbã sẽn be tẽngã pʋgã, yaa neb sẽn tar ziiri, mam sũur nooma ne-ba.

⁴ Nin-wẽnsã wẽn-naandsã lebgda wʋsgo, wẽn-naandg a to sã n wa, tao-tao tɩ b bee beenẽ. Mam kõn tol n maan maoong n daag zɩɩm n kõ zĩrẽ wẽnnaam-dãmbã ye. Abada! Mam kõn tol n yaag m noor n pʋd b yʋy ye.

⁵ Sẽn-Ka-Saab yaa mam pʋɩɩre, la b yaa mam bũmb fãa. Yãmb n so mam beoog yelle.

⁶ Mam sẽn paam pʋɩɩr ningã yaa zĩig sẽn noom maam. Pʋɩɩr ning yãmb sẽn kõ maamã bee ra-sãnde.

⁷ Mam pʋʋsda Sẽn-Ka-Saab sẽn yaa m sagendã barka. Baa yʋngo, mam sũ-bãngrã keoogda maam.

⁸ Mam geta Sẽn-Ka-Saab daar fãa. Bãmb sã n be mam dɩtgo, bũmb kõn tol n miim maam ye.

⁹ Rẽ kɩtame, tɩ mam sũur noomẽ, tɩ m sɩɩgã kɩdemd ne sũ-noogo. La m yĩngã me na n gãanda bãane.

¹⁰ Bala, yãmb ka na n bas maam kɩɩm-kulg ye. Yãmb ka na n sak n bas y nin-nongrã t'a põog yaoogẽ ye.

¹¹ Yãmb na n kɩtame tɩ m bãng vɩɩm sore. Sũ-noog wʋsg bee yãmb nengẽ. Naar meng-meng bee yãmb dɩtg wakat sẽn ka sɛta.