Yɩɩn‑sõamyã 146 - WẼNNAAM SEBRE 2014

Sẽn-Ka-Saab yaa pãn-koms dãmbã sõangda

¹ Pẽg-y Sẽn-Ka-Saabo! Mam na n pẽga Sẽn-Ka-Saabo!

² Mam vɩɩmã tɛka, mam na n pẽga Sẽn-Ka-Saabo, mam sã n ket n vɩ, mam na n yɩɩl n waooga Sẽn-Ka-Saabo.

³ Da rɩk-y y teegrã n teeg nanambs ye. Da teeg-y ninsaalbã sẽn ka tõe n fãagã ye.

⁴ Bãmb vɩɩmã loogdame, b lebsda tẽngã a tom, la badaar bala, b saagrã tũud-b lame n menem.

⁵ Bark bee ned ning sẽn paam t'a Zakoob Wẽnnaamã yaa a sõangdã zugu. Sẽn teeg-a Sẽn-Ka-Saab tɩ b yaa a Wẽnnaam tara barka.

⁶ Sẽn-Ka-Saab n naan yĩngr la tẽnga, la b naan ko-kãsengã ne bũmb nins fãa sẽn be a pʋgã. Bãmb maanda sɩd wakat fãa!

⁷ Bãmb bʋʋda sẽn namsdbã bʋʋd tɩrga. Bãmb n kõt kom sẽn tar-b rãmbã rɩɩbo. Sẽn-Ka-Saab n kõt yembs lohorem.

⁸ Sẽn-Ka-Saab n pugsd zoens nini. Sẽn-Ka-Saab n doogd sẽn kɩll-bã. Sẽn-Ka-Saab nonga nin-tɩrsã.

⁹ Sẽn-Ka-Saab n gũud sãamba. Bãmb sõngda kɩɩb ne pʋg-kõore, la b kɩtdẽ tɩ nin-wẽns saagr kẽed moogo.

¹⁰ Sẽn-Ka-Saab na n dɩɩ naam wakat fãa. Sɩyõ nebã, bãmb yaa yãmb Wẽnnaam zamaan woo zamaane! Pẽg-y Sẽn-Ka-Saabo!