Yɩɩn‑sõamyã 141 - WẼNNAAM SEBRE 2014

Ned sẽn kot tɩ b sõng-a t'a tõog wẽnga

1 A Davɩɩd yɩɩlle.

¹ A Davɩɩd yɩɩlle. Sẽn-Ka-Saabo, mam boonda yãmba. Wa-y tao-tao n wa sõng-ma! Kɩll-y y tʋbr n kelg m sẽn boond yãmba!

² Bɩ m pʋʋsgã zẽk wa wisd n ta y nengẽ. Bɩ m nusã sẽn zẽk n tees yãmbã yɩ wa zaabr maoongo!

³ Sẽn-Ka-Saabo, gũ-y mam noorã. Gũ-y mam no-bɩmsã.

⁴ Da bas-y tɩ m sũurã tags wẽng ye. Da sak-y tɩ m naag nin-wẽnsã n tʋm tʋʋm-wẽns ye. Da bas-y tɩ m naag bãmb n maan b sẽn datã ye.

⁵ Nin-tɩrg sã n sɩbg maam, a wilga maam a nonglem. A sã n keoog maam, yaa bark m yĩnga. M ka na n tõdg ye. Mam na n pʋʋsame n kɩɩs nin-wẽnsã tʋʋmã.

⁶ B na n dɩka b nanambsã n lob pĩig kugr zugu, la nin-wẽnsã na n kelga mam goamã, bala, b yaa noogo.

⁷ Wa b sẽn gudgd tẽn-gãongã t'a pusd to-to wã, woto me, tõnd kõabã na n sãeega kɩɩm-kulg noorẽ.

⁸ Zu-soabã Sẽn-Ka-Saabo, yaa yãmb la m geta. Mam zĩ-soalgdg yaa yãmb nengẽ. Da bas-y maam tɩ m ki ye!

⁹ Fãag-y maam ne bẽdg ning b sẽn bẽt maamã, la y fãag-m ne tʋʋm-wẽns maandbã tãoogã!

¹⁰ Bɩ nin-wẽnsã bẽdg wẽneg n yõk-b tɩ mam paam n põse.