Yɩɩn‑sõamyã 13 - WẼNNAAM SEBRE 2014

Ned sẽn be toog pʋgẽ pʋʋsgo

¹ A Davɩɩd yɩɩlle, yɩɩlã naab yĩnga.

² Sẽn-Ka-Saabo, yãmb na n yĩma mam yell hal tɩ ta dabʋre? Yãmb na n solga y neng ne maam tɩ ta dabʋre?

³ Mam na n maana yɩɩr hal tɩ ta dabʋre? Mam na n maanda sũ-sãang daar fãa hal tɩ ta dabʋre? Mam bɛyã na n tõogda maam hal tɩ ta dabʋre?

⁴ Sẽn-Ka-Saab sẽn yaa mam Wẽnnaam, ges-y n leok-y-ma! Bɩ y yẽeg m nengã, tɩ m da wa gũs kũum gõeem ye,

⁵ tɩ mam bɛyã wa yeel t'a tõoga maam, la tɩ mam namsdbã ra wa maan sũ-noog m lakrã yĩng ye.

⁶ La maam, mam teega yãmb nonglmã, la mam kɩdemda yãmb fãagrã yĩnga. Mam na n yɩɩla Sẽn-Ka-Saab yĩnga, bala, b maana maam neere.