Yɩɩn‑sõamyã 129 - WẼNNAAM SEBRE 2014

Sẽn-Ka-Saab yaa tɩrlem soaba

1 Zeruzalɛm kẽnd yɩɩlle.

¹ Zeruzalɛm kẽnd yɩɩlle. Hal mam bi-bɩɩlem wakate, b zabda ne maam. Bɩ Israyɛll nebã yeele:

² «Hal mam bi-bɩɩlem wakate, b zaba ne maam, la b ka tõog n maan maam bũmb ye.

³ Bãmb bõoda mam poorã, wa ka-koaad sẽn bẽesd a pʋʋgo.

⁴ La Sẽn-Ka-Saab yaa tɩrlem soaba, bãmb kaoo wĩy nins nin-wẽnsã sẽn tall n sẽb tõndã.

⁵ Bɩ yãnd yõk-b tɩ b tare, bɩ yãnd yõk neb nins fãa sẽn kis Sɩyõ wã.

⁶ Bɩ b yɩ wa mood sẽn yi bɛoong zugu. Bãmb kʋɩtame tɩ b nan ka võ-b ye!

⁷ Sẽn wʋrd-a yẽnda wã ka paamd tɩ pid a nug ye. Mo-sẽbdã ka tõe n paam mo-kill ye.»

⁸ La so-loaadbã ka yete: «Bɩ Sẽn-Ka-Saab bark zĩnd yãmb zut» ye. Bãmb leb n ka yeta: «Tõnd ningda yãmb bark ne Sẽn-Ka-Saab yʋʋr» ye