Yɩɩn‑sõamyã 125 - WẼNNAAM SEBRE 2014

Neb sẽn teegd Sẽn-Ka-Saabo

1 Zeruzalɛm kẽnd yɩɩlle.

¹ Zeruzalɛm kẽnd yɩɩlle. Neb nins sẽn teegd Sẽn-Ka-Saabã, wẽnda wa Sɩyõ tãngã, a ka miimda, la a paada wakat fãa.

² Wa tãmsã sẽn karg n gũbg Zeruzalɛmã, Sẽn-Ka-Saab me gũbgda b nebã a woto, sẽn sɩng ne moasã, la wakat fãa.

³ Na-toaag kõn tol n dɩ naam nin-tɩrsã tẽng pʋgẽ, tɩ nin-tɩrsã wa ning b nug wẽngã maaneg pʋg ye.

⁴ Sẽn-Ka-Saabo, maan-y nin-sõamyã neere, la y maan sẽn kẽnd-b tɩrlem pʋgẽ wã neere.

⁵ La sã n yaa ne neb nins sẽn tũud-b so-golemsã, bɩ Sẽn-Ka-Saab naag-b ne tʋʋm-wẽns maandbã n digi! Bɩ Israyɛll vɩɩmd ne bãane!