Yɩɩn‑sõamyã 124 - WẼNNAAM SEBRE 2014

Sẽn-Ka-Saab n yaa sõngda

1 Zeruzalɛm kẽnd yɩɩlle. A Davɩɩd yɩɩlle.

¹ Zeruzalɛm kẽnd yɩɩlle. A Davɩɩd yɩɩlle. Sẽn-Ka-Saab sã n dag n ka beẽ ne tõndo, bɩ Israyɛll nebã yeele:

² Sẽn-Ka-Saab sã n dag n ka beẽ ne tõnd wakat ning nebã sẽn wa n yik zabr ne tõndã,

³ nebã rag n na n velẽ-la tõnd vɩɩs wakat ning b sũyã sẽn yik ne tõndã.

⁴ Sẽn-Ka-Saab sã n dag n ka beẽ ne tõndo, koomã rag n na n limẽ-la tõnd n looge, ko-zoetmã rag n na n dɩẽ-la tõndo.

⁵ Sẽn-Ka-Saab sã n dag n ka beẽ ne tõndo, ko-fõtem dag n na n limẽ-la tõndo.

⁶ Bɩ Sẽn-Ka-Saab paam pẽgre, bãmb sẽn ka bas tɩ d bɛɛbã zendem tõnd ne b yẽnã yĩnga.

⁷ Tõnd põsa wa liuul sẽn põs tãoogẽ, tãoogã gĩs kaoome, tɩ tõnd põse.

⁸ Sẽn-Ka-Saab sẽn yaa yĩngr la tẽng naandã yʋʋr n fãagd tõndo.