Yɩɩn‑sõamyã 123 - WẼNNAAM SEBRE 2014

Sũ-sãang soab yɩɩlle

1 Zeruzalɛm kẽnd yɩɩlle.

¹ Zeruzalɛm kẽnd yɩɩlle. Sẽn-Ka-Saabo, mam zẽkda m neng n get yãmb sẽn be y naamã geer zug saasẽ wã.

² Ade, wa tʋmtʋmdb sẽn get b soaalã, la wa yem-poak sẽn get a zu-soaben-poakã, woto me, tõnd geta Sẽn-Ka-Saab sẽn yaa tõnd Wẽnnaamã, n gũudẽ tɩ b zoe d nimbãanega.

³ Zoe-y tõnd nimbãanega, Sẽn-Ka-Saabo, zoe-y d nimbãanega. Bala, yaoolgã ya n seka tõndo.

⁴ Nin-wẽnsã sẽn yaand tõndã sekd-d lame. Wilg-m-mens rãmbã paoogrã ya n seka tõndo.