Yɩɩn‑sõamyã 122 - WẼNNAAM SEBRE 2014

B kota vɩ-bãan Zeruzalɛm tẽngã yĩnga

1 Zeruzalɛm kẽnd yɩɩle. Yaa a Davɩɩd yɩɩlle.

¹ Zeruzalɛm kẽnd yɩɩle. Yaa a Davɩɩd yɩɩlle. B sã n wa n yeel maam tɩ m wa tɩ d kẽng Sẽn-Ka-Saab roogẽ wã, mam sũurã yaa noogo.

² Zeruzalɛm, tõnd kẽn n taa f tẽngã rignoorẽ!

³ Zeruzalɛm, b mee fo tẽngã, b me-a lame n gũbg t'a yaa neere!

⁴ Yaa fo nengẽ la buud toay-toayã sẽn yaa Sẽn-Ka-Saab nebã kẽnda, wa sẽn zems Israyɛll tõogã, n na n pʋʋs Sẽn-Ka-Saab barka.

⁵ Bala, yaa Zeruzalɛm la bʋʋdã gɛy be, yaa a Davɩɩd roogã naam gɛyã.

⁶ Pʋʋs-y tɩ Zeruzalɛm tẽngã zĩnd ne bãane. Zeruzalɛm, bɩ sẽn nong-b foomã vɩɩmd bãane.

⁷ Bɩ fo tẽngã fãa zĩnd ne bãane, la bɩ vɩ-bãan zĩnd f na-yiyã pʋse!

⁸ Mam ba-biisã ne m zo-rãmbã yĩnga, mam yetame: «Bɩ f zĩnd ne bãane!»

⁹ Sẽn-Ka-Saab sẽn yaa tõnd Wẽnnaamã roogã yĩnga, mam kosg yaa tɩ f na paam naare.