Yɩɩn‑sõamyã 120 - WẼNNAAM SEBRE 2014

Ned sẽn pʋʋsd b sẽn dõd-a yĩnga

1 Zeruzalɛm kẽnd yɩɩlle.

¹ Zeruzalɛm kẽnd yɩɩlle. Mam boola Sẽn-Ka-Saab m yel-pakrã pʋga, la bãmb leoka maam.

² Sẽn-Ka-Saabo, fãag-y maam ne zĩrẽ-be-nebã. Fãag-y maam ne zãmb dãmbã.

³ Zĩrẽ goam kõta foom bõe? Zãmb goam yõod ne foom yaa bõe?

⁴ Yaa gãndaoog pɛɛm sẽn sɩlse, la kagdg raad bug-saala.

⁵ Toog bee mam zugu, mam sẽn yaa sãan nin-toos sʋkã, mam sẽn tɩ vɩ ne nin-wẽnsã!

⁶ Mam vɩɩmda neb nins sẽn kis-b vɩ-bãanã sʋk n kaoose.

⁷ Mam baooda vɩ-bãane, la mam sã n gomd vɩ-bãan yelle, bãmb sẽn baood yaa zabre.