Yɩɩn‑sõamyã 114 - WẼNNAAM SEBRE 2014

Israyɛll nebã sẽn yi Ezɩpt tẽngã yɩɩlle

¹ Israyɛll nebã sẽn yaa a Zakoob yagensã sẽn wa n yit Ezɩpt tẽngã sẽn yaa buud sẽn gomd gom-zẽngã.

² Zʋʋda lebga Sẽn-Ka-Saab zĩ-sõngo, tɩ Israyɛll lebg bãmb soolem.

³ Ko-kãsengã sẽn yã Israyɛll nebã, a zoeeme, la Zʋrdẽ kʋɩlgã sẽn yãnd-bã, a tara po-tula.

⁴ Tãmsã rag n tirsda wa pe-raado, tɩ kunkubã tirsd wa pe-bi.

⁵ Ko-kãsenga, bõe n tar-f tɩ f zoetẽ? Zʋrdẽ kʋɩlga, bõe yĩng tɩ f tard po-tula?

⁶ Tãmse, bõe n tar-y tɩ y tirsd wa pe-raado? Kunkuba, bõe yĩng tɩ y tirsd wa pe-bi?

⁷ Bɩ tẽngã rigimd Zu-soabã taoore! Bɩ f rigimd a Zakoob Wẽnnaamã taoore.

⁸ Bãmb n tõe n tek pĩig t'a lebg ko-kãsenga, la b tõe n tek kugã tɩ lebg ko-budum zĩiga.