Yɩɩn‑sõamyã 111 - WẼNNAAM SEBRE 2014

Sẽn-Ka-Saab maanda tʋʋm-sõamyã

¹ Pẽg-y Sẽn-Ka-Saabo! Mam na n pʋʋsa Sẽn-Ka-Saab bark ne m sũur fãa, nin-tɩrsã seg-taabã ne b tigingã pʋga.

² Sẽn-Ka-Saab tʋʋmã yaa kãsemse, tɩ sẽn nong-b bãmbã baood n bãng-ba.

³ Sẽn-Ka-Saab tʋʋmã pida ne ziiri la b tara ra-sãnde, la bãmb tɩrlem paada wakat fãa.

⁴ Bãmb kɩtame tɩ b tẽr bãmb bõn-bãnã yelle. Sẽn-Ka-Saab tara nonglem ne nimbãan-zoeere.

⁵ Sẽn-Ka-Saab kõta sẽn zoet-b bãmbã rɩɩbo, bãmb tẽra Sẽn-Ka-Saab kaoolã yell daar fãa.

⁶ Bãmb deesa bu-zẽms tẽms n kõ b nebã n wilg bãmb b tʋʋmã pãnga.

⁷ Bãmb nug tʋʋmã yaa sɩd la tɩrse. Bãmb no-tũudsã zemsa teegre.

⁸ Bãmb no-tũudsã yasa kãenkãe n ka tol n vigsdẽ ye. B yaa sɩd la tɩrse.

⁹ Bãmb tʋma fãagr b nebã yĩnga, n vigl b kaoolã wakat fãa yĩnga. Bãmb yʋʋrã welga toore, la a seka zoeese.

¹⁰ Sẽn-Ka-Saab zoees yaa yam sɩngre, neb nins fãa sẽn sakd-b no-tũudsã tara yam sõama. Sẽn-Ka-Saab waoogrã paada wakat fãa.