Yɩɩn‑sõamyã 110 - WẼNNAAM SEBRE 2014

Sẽn-Ka-Saab koɛɛg rĩmã yĩnga

1 A Davɩɩd yɩɩlle.

¹ A Davɩɩd yɩɩlle. Sẽn-Ka-Saab yeela mam zu-soabã yaa: «Zĩnd mam dɩtgo, hal tɩ m kɩt tɩ f bɛɛbã lebg f nao roagendga.»

² Sẽn-Ka-Saab na n kɩtame tɩ f naamã pãng sɩng Sɩyõ, b na n kɩtame tɩ f soog f bɛɛbã sẽn gũbg foomã!

³ Fo sẽn na n tigim f tãb-biisã daare, gãndaad n na n paam sũ-noog tɩ yãag-f zabrẽ wã. Fo kom-bɩɩsã na n fõd n waa fo nengẽ Wẽnnaam tãngã zugu, wa tõd-beoog meenem sẽn dʋʋgde!

⁴ Sẽn-Ka-Saab wẽename, la b kõn lebs b noor poorẽ ye. B yeelame yaa: «Fo yaa maan-kʋʋd wakat fãa, wa a Melkisedɛke.»

⁵ Zu-soabã bee fo nug-rɩtgo, b sũ-yikrã daare, b na n neema rĩm-dãmba.

⁶ Bãmb kaooda bu-zẽmsã bʋʋdo, la zĩigã fãa pida ne kũum. Bãmb neema tẽn-bedr naaba.

⁷ Sorã zugu, rĩmã yũuda ko-soodã koom, n leb n paam daoodo.