Yɩɩn‑sõamyã 11 - WẼNNAAM SEBRE 2014

Nin-tɩrg zĩ-soalgdga

1 A Davɩɩd yɩɩlle, yɩɩlã naab yĩnga.

¹ A Davɩɩd yɩɩlle, yɩɩlã naab yĩnga. Sẽn-Ka-Saab yaa mam zĩ-soalgdga. Bõe yĩng tɩ yãmb yet maam tɩ m zoe n kẽng tãms zut wa m yaa liuula?

² Ges-y-yã, nin-wẽnsã yãagda b tãpo, bãmb ningda b pɛɛma n dat n tão nin-tɩrsã lik pʋgẽ.

³ Zamaanã tõod sã n sãame, Nin-tɩrg na n maana a wãna?

⁴ Sẽn-Ka-Saab bee bãmb ro-sõngã pʋga, Sẽn-Ka-Saab geer bee saasẽ, bãmb bee be tɩ b ninã getẽ, bãmb getame n feesd ninsaalbã.

⁵ Sẽn-Ka-Saab feesda nin-tɩrg ne nin-wẽnga. Bãmb kisa sẽn maand-b taab pãngã.

⁶ Bãmb na n kɩtame tɩ saag ni bug-saal ne kidbr bugum nin-wẽnsã zutu, bãmb na n kɩtame tɩ sob-tʋʋlg walem wẽ-ba, bõn-kãng n na n yɩ nin-wẽnsã pʋɩɩre.

⁷ Bala, Sẽn-Ka-Saab yaa tɩrga, bãmb nonga tʋʋm-tɩrse. Yaa nin-tɩrsã n tõe n yãnd bãmb nenga.