Yɩɩn‑sõamyã 101 - WẼNNAAM SEBRE 2014

Ned sẽn kãab t'a na n tũu zemsg sore

1 Yaa a Davɩɩd yɩɩlle.

¹ Yaa a Davɩɩd yɩɩlle. Mam na n yɩɩla yãmb nonglmã ne y tɩrlem bʋ-kaoorã. Mam na n yɩɩl n pẽga yãmb a Sẽn-Ka-Saabo.

² Mam na n gũusame n kẽn ne burkĩndi. Yãmb na n waa mam nengẽ dabʋre? Mam zakã pʋga, m na n kẽna ne pʋ-peelem.

³ Mam ka na n ges bũmb sẽn ka yõod ye. Mam na n kisga nin-wẽnsã manesmã. Bãmb kõn tol n soog maam ye.

⁴ Mam na n zãaga m meng ne tʋʋm-kɛg rãmbã. Mam ka rat n bãng wẽng ye.

⁵ Mam na n menesa tẽn-kãn-ned sẽn soosd n lukd a to bãongo. Mam kisa nin-pa-nanda, ne tɩta-nedã.

⁶ Mam nin geta tẽngã pʋ-peen-nebã, tɩ bãmb tõe n zĩnd ne maam. Sẽn kẽnd-a ne burkĩnd na n yɩɩ mam tʋmtʋmda.

⁷ Zãmb soab ka tar zĩig mam doogã pʋg ye. Zĩrẽ yagd kõn yals mam taoor ye.

⁸ Yibeoog fãa, mam na n sãama tẽngã nin-wẽnsã, la m menes tʋʋm-beed maandbã tɩ b ra leb n zĩnd Sẽn-Ka-Saab tẽngã pʋg ye.