Yɩɩn‑sõamyã 1 - WẼNNAAM SEBRE 2014

Nin-tɩrg ne nin-wẽng keoore

¹ Bark bee ned ning sẽn ka reegd nin-wẽns saglg zugu, sẽn ka tũud yel-wẽn-maandbã sore, la sẽn ka zĩndid ne nin-paoogdbã ye.

² Yẽnda nonga Sẽn-Ka-Saab tõogã, n tagsd a yell wĩndg la yʋngo!

³ Yẽnda wẽnda wa tɩɩg sẽn be kʋɩlg noore, n womd a biis a womb wakate, t'a vãadã ka tol n kʋɩtẽ ye. Yẽnda paamda tõogr bũmb ning fãa a sẽn maandã pʋga.

⁴ La ka woto ne nin-wẽnsã ye. Bãmb wẽnda wudg sobg sẽn dɩkde.

⁵ Rẽ kɩtame, tɩ nin-wẽnsã ka na n tõog n doog b zug bʋʋdã daar ye. La yel-wẽn-maandbã ka na n paam zĩig nin-tɩrsã sʋk ye.

⁶ Bala, Sẽn-Ka-Saab mii nin-tɩrsã sore, la nin-wẽnsã sor dabda sãoong zĩigẽ.