Yelbũna 10 - WẼNNAAM SEBRE 2014

A Salmo yel-bũna

¹ A Salmo yel-bũna Biig sẽn tar yam kõta a ba sũ-noogo, la bi-yalem kõta a ma sũ-sãanga.

² Arzɛk sẽn paam ne zãmb ka tar yõod ye, la tɩrlem fãagda ned ne kũum.

³ Sẽn-Ka-Saab ka basd tɩ kom yõk nin-tɩrg ye. La bãmb mongda nin-wẽng a sẽn date.

⁴ Ned sã n tʋmd yaal-yaale, naong n yõkda, La sẽn tʋmda ne-a sũur fãa paamda arzegse.

⁵ Sẽn tigsd-a sɩpaolg yaa gũus-m-meng soaba, la sẽn basd-a tigsg n gãe n gõe yaa nin-yaalga.

⁶ Bark bee nin-tɩrg zugu, la nin-wẽns noy solgda b wẽnem.

⁷ Nin-tɩrg yell tẽegr wata ne barka, la nin-wẽng yʋʋr ka zɛɛd meneng ye.

⁸ Sẽn tar-a yam deegda noore, la sẽn gomd-a yalem-goam wãada a menga.

⁹ Sẽn kẽnd-a ne burkĩnd vɩɩ ne bãane, la ned sã n dɩkd so-wẽnga, yẽnda soab yɛlã na n wa pukame.

¹⁰ Sẽn wẽgsd-a a nin wata ne toogo, la sẽn gomd-a gom-wẽns wãada a menga.

¹¹ Nin-tɩrg noor yaa vɩɩm bulga, la nin-wẽns noy solgda wẽnem.

¹² Kisgr wata ne zaba, la nonglem luta kongre.

¹³ Nin-yẽeseng noor yiisda yam goamã, la dasaar yaa yam-kaalg soab poor yĩnga.

¹⁴ Yam soab tigsda bãngrã wa arzɛka, la yalem zelemd n wat ne a sãoongo.

¹⁵ Arzɛk soab arzɛk n yaa a pãnga, la naong soab naong n wãad-a.

¹⁶ Nin-tɩrg tʋʋm yaood yaa a vɩɩm yĩnga, la nin-wẽng sẽn paamdã yaa a yel-wẽn yĩnga.

¹⁷ Sẽn sakd-a remsg rɩka vɩɩm sore, la sẽn zãgsd-a keoogr na n menemame.

¹⁸ Sẽn solg-a kisgr gomda zĩrẽ goamã, la sẽn yaa tẽn-kãn-ned yaa yalma.

¹⁹ Sẽn gomd-a wʋsg ka tõe n ka kong ye, la sẽn gũusd-a a meng ne a goam tara yam.

²⁰ Nin-tɩrg zelemd yaa wa wanzuri halaale, la nin-wẽns tagsg ka tar yõod ye.

²¹ Nin-tɩrg goam nafda neb wʋsgo, la yalembã kiida b yalemdã yĩnga.

²² Yaa Sẽn-Ka-Saab barkã n wat ne arzɛka, tɩ yɩɩr ka naag ye.

²³ Yalem geta wẽng maaneg wa reem, la yam soab geta yam baoob wa reem.

²⁴ Nin-wẽng sẽn zoet bũmb ningã n paamd-a, la nin-tɩrg sẽn dat bũmb ningã la a paamda.

²⁵ Sob-kãseng sã n fug n looge, nin-wẽng tũud n loogame. La nin-tɩrg sẽn yẽbg bũmb ningã paada wakat fãa.

²⁶ Miisim sẽn yaa bũmb ning ne yẽnã, la bug-zõos me sẽn yaa bũmb ning ne ninã, kʋɩɩm me yaa a woto ne neb nins sẽn tʋmd yẽnda wã.

²⁷ Sẽn-Ka-Saab zoees kõta yõ-woko, la b na n kʋʋga nin-wẽng yʋʋmã.

²⁸ Nin-tɩrs tẽeb baasda ne sũ-noogo, la nin-wẽns tẽeb na n sãamame.

²⁹ Sẽn-Ka-Saab tũudmã yaa gũudum burkĩmbã yĩnga, la tʋʋm-wẽns rãmbã na n sãamame.

³⁰ Nin-tɩrg ka na n tol n vigs ye. La nin-wẽnsã ka na n pa dũni ye.

³¹ Nin-tɩrg noor yiisda yam goamã, la b na n wõrga gom-wẽns soab zelemde.

³² Nin-tɩrg noor gomda sẽn sakd kelgre, la nin-wẽng noor yiisda gom-yood bala.