Maan‑kʋʋre 18 - WẼNNAAM SEBRE 2014

Kãadem vɩɩm nao-kẽndre

¹ Sẽn-Ka-Saab goma ne a Moyiis n yeele:

² «Gom ne Israyɛll nebã n yeel-b tɩ mam yaa Sẽn-Ka-Saab sẽn yaa yãmb Wẽnnaam.

³ Yãmb ka tog n maan wa Ezɩpt tẽngã nebã sẽn maandã ye, tẽng ning yãmb sẽn dag n beẽ wã ye. La da maan-y wa Kana tẽngã, zĩig ning mam sẽn tar yãmb n dabdã nebã sẽn maandã ye. Da sak-y n tũ-y bãmb noyã ye.

⁴ Bɩ y sak mam noyã, la y sak mam no-tũudsã. Bɩ y sak-ba. Bala, mam yaa Sẽn-Ka-Saab sẽn yaa yãmb Wẽnnaam.

⁵ Bɩ y tall mam no-tũudsã ne m noyã. Ned ning sẽn na n sak-a bãmba, b na n kɩtame t'a vɩɩmde. Mam yaa Sẽn-Ka-Saabo.

⁶ Bɩ yãmb ned baa a yembr da kẽ ne pag sẽn yaa a roagd ye. Mam yaa Sẽn-Ka-Saabo.

⁷ Bɩ f ra kẽ ne f ba, bɩ f ma ye. A sẽn yaa fo ma wã yĩnga, fo ka tog n kẽ ne-a ye.

⁸ Bɩ f ra kẽ ne f ba pag ye. Yẽnda yaa fo ba rẽnda.

⁹ Bɩ f ra kẽ ne f ba-bi-poaka, wall f ma-bi-poak ye. A sã n doga yiri, wall kɛɛnga.

¹⁰ Bɩ ned ra kẽ ne a bi-ribl bi-pugla, wall a bi-pugl bi-pugl ye. Bala yaa yẽnda mengã yĩn-neongo.

¹¹ Bɩ f ra kẽ ne f ba pag bi-pugl sẽn yaa yẽnda ba wã meng biiga, bala, yẽnda yaa a tão-poaka.

¹² Bɩ f ra kẽ ne f pʋgdb ye. Bala yẽnda yaa f ba wã tão-poaka.

¹³ Bɩ f ra kẽ ne f ma ba-bi-poak ye. Yẽnda yaa fo ma.

¹⁴ Bɩ f ra kẽ ne f saamba, wall kẽ ne a saamb pag ye. Bala yẽnda yaa f ma.

¹⁵ Bɩ f ra kẽ ne f bi-pag ye. Bala yẽnda sẽn yaa fo biigã pagã, fo ka tog n kẽ ne-a ye.

¹⁶ Bɩ f ra kẽ ne f ba-biig pag ye. Yẽnda yaa f ba-biigã rẽnda.

¹⁷ Bɩ f ra kẽ ne paga, la f kẽ ne pagã bi-pugl ye. La f ra peeg a bi-ribl bi-pugla, wall a bi-pugl bi-pugl n kẽ ne-a ye. Bala bãmb yaa bũmb a yembre, dẽ, bõn-kãng yaa yãnde.

¹⁸ Bɩ f ra peeg f pag tão-poak n paas tɩ rẽ wata ne pʋg-ta-zaba. Bɩ f ra kẽ ne-a tɩ f pagã ket n vɩ ye.

¹⁹ Bɩ f ra kẽ ne pag a sẽn yãnd a pekr wakat ye, tɩ rẽ t'a yaa rẽgdo.

²⁰ Bɩ f ra kẽ ne f tẽng-n-bi-taag pag n dẽgem f meng ne-a ye.

²¹ Bɩ f ra rɩk f kamb n kɩs tɩ b yõog bugum n kõ wẽn-naandg a Molok n paoog fo Wẽnnaamã yʋʋr ye. Mam yaa Sẽn-Ka-Saabo.

²² Bɩ f ra kẽ ne rao wa fo sẽn kẽed ne pag to-to wã ye. Yõwã yaa yel-beedo.

²³ Bɩ f ra kẽ ne rũng n dẽgem f meng ne-a ye. Bɩ pag me ra rɩk a meng n kõ rũng t'a gãand-a ye. Yõwã yaa yel-beedo.

²⁴ Bɩ y ra maan yel-bãmbã baa a yembr n dẽgem y mens ye. Bala, buud nins mam sẽn kɩt tɩ yãmb digã rag n maanda yel-be-bãmbã.

²⁵ Yaa rẽ yĩng n kɩt tɩ tẽngã rẽgem, la mam sɩbg-a-la a yel-wẽnã yĩnga, la tẽngã yiisa a nebã.

²⁶ Rẽ wã, bɩ y sak mam no-tũudsã ne m noyã, la y ra maan yel-be-bãmbã baa a yembr ye, sã n yaa tẽng-n-neda, wall sãan sẽn wa n be yãmb sʋkã.

²⁷ Bala, neb nins sẽn dag n deng yãmb n be tẽn-kãng pʋgã rag n maanda yel-be-bãmbã, n kɩt tɩ tẽngã lebg rẽgdo.

²⁸ Woto wã, bɩ y ra leb n dẽgem tẽngã n kɩt t'a zãgs yãmb wa a sẽn dag n zãgs neb nins sẽn dag n deng yãmb n be beenẽ wã ye.

²⁹ Bala, ned ning fãa sẽn na n maan-b yel-be-bãmbã a yembre, b na n yiisa a soab kɛɛng n kʋ.

³⁰ Bɩ y sak mam tõogã, la y ra tol n maan yel-beed nins neb nins sẽn deng yãmbã sẽn dag n maandã ye. Bɩ y ra maan bõn-kãens n dẽgem y mens ye. Bala, mam yaa Sẽn-Ka-Saab sẽn yaa yãmb Wẽnnaam.»