Esdras 2 - WẼNNAAM SEBRE 2014

Zʋɩf-rãmb nins sẽn lebg n wa Zeruzalɛmã yʋy

¹ Ad neb nins sẽn yi yembdã pʋgẽ Babilond soolmẽ wã, n lebg n wa Zeruzalɛm ne Zʋʋda soolmẽ wã yʋyã. Bãmb yaa neb nins Babilond dĩm a Nebukatnedzaar sẽn dag n yõg n kẽes yembd pʋg Babilond soolmẽ wã. Bãmb ned kam fãa leba a tẽngẽ.

² Yaa a Zorobabɛlle, a Zozoe, a Neemi, a Seraya, a Relaya, a Mardoose, a Bilesã, a Mispaare, a Bigvayi, a Rehum ne a Baana, n lʋɩ nebã taoor n tall-b n lebg n lebe.

³ Ad Israyɛll raopã sõore: A Paroos yagensã sõor yaa neb tus a yiib la koabg la pis-yopoe la a yiibu.

⁴ A Sefatiya yagensã sõor yaa neb kobs-tã la pis-yopoe la a yiibu.

⁵ A Aara yagensã sõor yaa neb kobs-yopoe la pis-yopoe la a nu.

⁶ A Pahat-Moaab sẽn yaa a Zozoe ne a Zoaab yagengã yagens sõor yaa neb tus a yiib la kobs-nii la piig la yiibu.

⁷ A Elam yagensã sõor yaa neb tusr la kobsi la pisnu la a naase.

⁸ A Zatu yagensã neb sõor yaa neb kobs wɛ la pis-naas la a nu.

⁹ A Zakayi yagensã neb sõor yaa neb kobs-yopoe la pis-yoobe.

¹⁰ A Bani yagensã neb sõor yaa kobs-yoob la pis-naas la a yiibu.

¹¹ A Bebayi yagensã neb sõor yaa kobs-yoob la pisi la a tãabo.

¹² A Azgaad yagensã neb sõor yaa tusr la kobsi la pisi la a yiibu.

¹³ A Adonikam yagensã neb sõor yaa kobs-yoob la pis-yoob la a yoobe.

¹⁴ A Bigvayi yagensã neb sõor yaa tus a yiib la pisnu la a yoobe.

¹⁵ A Adin yagensã neb sõor yaa kobs-naas la pisnu la a naase.

¹⁶ A Atɛɛr sẽn yaa a Yehizkiya yagengã yagens sõor yaa neb pis-wɛ la a nii.

¹⁷ A Besayi yagensã neb sõor yaa kobs-tã la pisi la a tãabo.

¹⁸ A Yora yagensã neb sõor yaa koabg la piig la a yiibu.

¹⁹ A Hasum yagensã neb sõor yaa kobsi la pisi la tãabo.

²⁰ A Gibaar yagensã neb sõor yaa pis-wɛ la a nu.

²¹ Neb nins fãa sẽn yit Betlehɛmã sõor yaa neb kobg la pisi la a tãabo.

²² La Neb nins sẽn yi Netofa wã sõor yaa neb pisnu la a yoobe.

²³ La neb nins sẽn yit Anatotã sõor yaa neb koabg la pisi la a nii.

²⁴ La neb nins sẽn yit Azmavɛtã sõor yaa neb pis-naas la a yiibu.

²⁵ La neb sẽn yit Kiryat-Yeyarim sõor yaa neb kobs-yopoe la pis-naas la a tãabo.

²⁶ La neb nins sẽn yit Rama ne Geba wã sõor yaa neb kobs-yoob la pisi la a yembre.

²⁷ La neb nins sẽn yit Mikmaasã sõor yaa neb koabg la pisi la a yiibu.

²⁸ La neb nins sẽn yit Betɛll ne Ayi wã sõor yaa neb kobsi la pisi la a tãabo.

²⁹ La neb nins sẽn yit Nebo wã sõor yaa neb pisnu la a yiibu.

³⁰ A Magbis tẽngẽ nebã sõor yaa neb koabg la pisnu la a yoobe.

³¹ La Elam a to n be, la a yagensã sõor yaa neb tusr la kobsi la pisnu la a naase.

³² A Harim yagensã neb sõor yaa kobs-tã la pisi.

³³ Lood tẽngã, la Hadiid ne Ono tẽngã neb sõor yaa kobs-yopoe la pisi la a nu.

³⁴ Zeeriko tẽngã neb yaa kobs-tã la pis-naas la a nu.

³⁵ Sena tẽngã neb yaa tus a tã la kobs-yoob la pistã.

³⁶ Ad maan-kʋʋdbã sullã nebã: Yaa a Yedaya kambã sẽn yaa Zozoe yagensã. Bãmb yaa neb kobs-wɛ la pis-yopoe la a tãabo.

³⁷ A Imeer yagensã yaa neb tusr la pisnu la a yiibu.

³⁸ A Pasewʋʋr yagensã yaa neb tusr la kobsi la pis-naas la a yopoe.

³⁹ A Harim yagensã yaa neb tusr la piig la a yopoe.

⁴⁰ Ad Leevi buudã nebã: Yaa a Zozoe ne a Kadmiyɛlle, la a Hodava yagensã. Bãmb yaa neb pis-yopoe la a naase.

⁴¹ Ad yɩɩn-yɩɩndbã sulli: Yaa a Azaf yagensã. Bãmb sõorã yaa neb kobg la pisi la a nii.

⁴² Ad zag-noy gũudbã yagense: Yaa a Salum yagensã, a Atɛɛr yagensã, a Talmon yagensã, a Akuub yagensã, a Hatita yagensã, ne a Sobayi yagensã. Bãmb fãa yaa neb koabg la pis-tã la a wɛ.

⁴³ Wẽnnaam doogã tʋmtʋmdbã yaa a Siba yagensã, a Hasufa yagensã, a Tabaot yagensã,

⁴⁴ a Keroos yagensã, a Siyaha yagensã, a Padon yagensã,

⁴⁵ a Lebana yagensã, a Hagaba yagensã, a Akuub yagensã,

⁴⁶ a Hagaab yagensã, a Samlayi yagensã, a Hanan yagensã,

⁴⁷ a Gidɛll yagensã, a Gahaar yagensã, a Rehaya yagensã,

⁴⁸ a Retsin yagensã, a Nekoda yagensã, a Gaazam yagensã,

⁴⁹ a Uuza yagensã, a Paseya yagensã, a Besayi yagensã,

⁵⁰ a Asna yagensã, a Mewunim yagensã, a Nefuzim yagensã,

⁵¹ a Bakbuk yagensã, a Hakufa yagensã, a Harhʋʋr yagensã,

⁵² a Batslut yagensã, a Mehida yagensã, a Harsa yagensã,

⁵³ a Barkoos yagensã, a Sizera yagensã, a Tama yagensã,

⁵⁴ a Nesiyat yagensã, a Hatifa yagensã.

⁵⁵ Ad a Salmo tʋmtʋmdbã yagense: Yaa a Sotayi yagensã, a Soferɛt yagensã, a Peruuda yagensã,

⁵⁶ a Yaala yagensã, a Darkon yagensã, a Gidɛll yagensã,

⁵⁷ a Sefatiya yagensã, a Hatill yagensã, Pokerɛt-Hasebayim ne a Ami yagensã.

⁵⁸ Wẽnnaam doogã tʋmtʋmdbã ne a Salmo tʋmtʋmdbã fãa zãng yaa neb kobs-tã la pis-wɛ la a yiibu.

⁵⁹ Ad neb nins sẽn yi Tel-Mela ne Tel-Harsa, la Keruub-Adan ne Imeere, n ka tõog n wilg b yaabã sẽn yaa ned ninga, la b ka tõog me n wilg bãmb sẽn yaa ned ninga yagense, sẽn na n yɩl n wilg tɩ bãmb yaa Israyɛll buudã neb ye.

⁶⁰ A Delaya, a Tobiza ne a Nekoda yagensã yaa neb kobs-yoob la pisnu la a yiibu.

⁶¹ La ad neb nins sẽn dag n be maan-kʋʋdbã sʋk n be yel-kãng pʋga: Yaa a Habaya yagensã, a Hakoose, ne a Barzɩlayi sẽn yaa ned ning sẽn dag n peeg Galaad tẽng rao a Barzɩlayi biig n maan a pag tɩ b kell n boond-a t'a Barzɩlayi wã yagensã.

⁶² Bãmb bao b yaab-rãmbã yʋy sõadg sebrã pʋg n konge. Dẽ, b yiisa bãmb maan-kʋʋr tʋʋmdã pʋga. Bala, b geelga bãmb wa nin-dẽgdo.

⁶³ La gʋvɛrneerã meng gɩdga bãmb tɩ b ra rɩ kũunã b sẽn kõ Wẽnnaamã rɩɩb ye. Hal tɩ maan-kʋʋdã wa n sok Wẽnnaam ne Urim la Tumim n ges sã n zemsame tɩ b rɩ.

⁶⁴ La nin-buiidã fãa zãng yaa neb tus-pis-naas la a yiib la kobs-tã la pis-yoobe.

⁶⁵ Woto fãa, yaa b sẽn ka sõd b yem-daadã ne b yem-pogsã neb tus a yopoe la kobs-tã la pis-tã la a yopoe wã n naage. La yɩɩn-yɩɩndbã yaa neb kobsi, raop ne pagba.

⁶⁶ Bãmb dag n tara wiid kobs-yopoe la pis-tã la a yoobe ne bõn-wees kobsi la pis-naas la a nu.

⁶⁷ La yʋgmã wã yaa kobs-naas la pis-tã la a nu, ne bõens tus a yoob la kobs-yopoe la pisi.

⁶⁸ La bãmb sẽn wa n ta Zeruzalɛm sẽn yaa tẽng ning Sẽn-Ka-Saab roogã sẽn be wã pʋgẽ, bãmb buudã nanambs kẽer yãka b kũun ne yamleoog n kõ Wẽnnaam doogã yĩnga, sẽn na n yɩlẽ tɩ b tõe n lebs n me Wẽnnaam doogã a pĩnd zĩigẽ wã.

⁶⁹ Bãmb kõo b sẽn tõe fãa, Wẽnnaam doogã meeb yĩnga. B sẽn kõ wã yaa sãnem wakɩ-koeems tus pis-yoob la a yembre, ne wanzuri wakɩ-koeems sẽn tat tus a nu, la b leb n kõ maan-kʋʋr tʋʋmd fut koabga.

⁷⁰ La maan-kʋʋdbã ne Leevi buudã nebã, la ninbuiidã, ne yɩɩn-yɩɩndbã, la Wẽnnaam doogã tʋmtʋmdbã ned kam fãa kẽng n tɩ zĩnda a tẽngẽ, la Israyɛll nebã me kẽnga b tẽmsẽ.